ވިޔަފާރި-އިގްތިސާދު
މަކިޓާ ޕްރޮމޯޝަން
ރާއްޖެއަށް މަކިޓާ ތައާރަފުކުރިތާ 25 އަހަރު ފުރުން ފާހަގަކުރުމަށް ޕްރޮމޯޝަނެއް
މަކިޓާ އުފެއްދުންތަކުން 40 އިންސައްތައާ ހަމައަށް ޑިސްކައުންޓް ލިބޭނެ
ސިމާހާ ނަސީމް, ރާއްޖެ އެމްވީ | 21 ޖޫން 2023 | ބުދަ 17:03
މަކިޓާ
ރާއްޖެއަށް މަކިޓާ ތައާރަފްކުރިތާ 25 އަހަރު ފުރުމާއި އަދި މަކިޓާ ޝޯރޫމަށް އެއް އަހަރު ފުރުން ފާހަގަކުރުމަށް މަކިޓާގެ އުފެއްދުންތަކުގެ ޚާއްސަ ޕްރޮމޯޝަނެއް އެސްޓީއޯއިން ފަށައިފިއެވެ.
ޖޫން މަހުގެ 21ން ޖުލައި 31ގެ ނިޔަލަށް ކުރިޔަށްގެންދާ މި ޕްރޮމޯޝަން ފައްޓަވައިދެއްވީ އެސްޓީއޯގެ މެނޭޖިންގ ޑިރެކްޓަރ އަބްދުﷲ ސައީދެވެ.
މި ޕްރޮމޯޝަންގެ ދަށުން މަކިޓާ އުފެއްދުންތަކުން 40 އިންސައްތައާ ހަމައަށް ޑިސްކައުންޓް ލިބޭނެއެވެ.
މަކިޓާ ޝޯރޫމުގެ އަހަރީ ދުވަސް ފާހަގަކުރުމުގެ ހަފްލާގައި، ޖޫން 2022ން މެއި 2023ށް ޝޯރޫމުން އެންމެ ގިނައިން ތަކެތި ގަތް ފަސް މީހުންނަށް ޚާއްސަ ހަދިޔާއެއް ވަނީ ދީފައެވެ.
