ގިނަ ހަރަކާތްތަކަކާއެކު ޕޮއިޒްގެ އިވެންޓެއް ހުޅުމާލޭގައި ބާއްވަނީ
ހުކުރު އަދި ހޮނިހިރުގައި ބޭއްވުމަށް ހަމަޖެހިފައިވާ މި އިވެންޓުގައި އެ ފިހާރައިން ވިއްކާ މައިގަނޑު ޕްރޮޑަކްޓްތައް ދައްކާލާނެ
ކަސްޓަމަރުންނަށް ޑިސްކައުންޓް ކާޑާއި ގިފްޓް ވައުޗަރ ލިބޭނެ
ގިނަ ހަރަކާތްތަކާއެކު ޕޮއިޒް ފިހާރައިގެ އިވެންޓެއް ހުޅުމާލޭގައި ބޭއްވުމަށް ނިންމައިފިއެވެ.
ހުކުރު އަދި ހޮނިހިރުގައި ބޭއްވުމަށް ހަމަޖެހިފައިވާ މި އިވެންޓުގައި އެ ފިހާރައިން ވިއްކާ މައިގަނޑު ޕްރޮޑަކްޓްތައް ފެނިގެންދާނެއެވެ. އަދި އެ ޕްރޮޑަކްޓްތަކުގެ އަޖުމަ ބަލައިލުމުގެ ފުރުސަތުވެސް ލިބިގެންދާނެއެވެ.
ޕޮއިޒުން ބުނީ ހަރަކާތުގެ ތެރެއިން ކުޑަކުދިންގެ ހަވީރެއް ކުރިއަށްދާނެކަމަށާއި، ރޭގަނޑު އާންމުންނަށް ހަރަކާތްތަކެއް ކުރިއަށްދާނެ ކަމަށެވެ. މި އިވެންޓް ބޭއްވުމަށް ހަމަޖެހިފައިވަނީ ހުޅުމާލޭ ރުއްގަނޑު ސަރަހައްދުގައި ހަވީރު 4ން 6ށް، އަދި ރޭގަނޑު 8ން 10ށެވެ.
މި އިވެންޓްގައި ކުޑަކުދިންނަށް ޚާއްސަ ގޭމްތަކާއި ހަދިޔާތައް ދިނުމަށް ހަމަޖެހިފައިވެއެވެ. އަދި ކުޑަކުދިންނަށް ޚާއްސަ ކިޑްސް ފެންޓަސީ ބްރޭންޑްގެ ސެންޓްވެސް ލިބޭނެއެވެ.
މި ތަނުގައި ސެންޓާއި ބޮޑީ ސްޕްރޭ އިތުރުން، ރީތިވާ ސާމާނުވެސް ހުންނާނެއެވެ. އަދި 14 ސްޓޯލް ފެނިގެންދާއިރު ކޮންމެ ސްޓޯލެއްވެސް ޚާއްސަކޮށްފައިވަނީ މަގުބޫލު ބްރޭންޑްތަކަށެވެ.
ޕޮއިޒްއިން ބުނީ، ރަޖިސްޓްރީކޮށްގެން ކަސްޓަމަރުންނަށް ޑިސްކައުންޓް ކާޑެއް ލިބޭނެކަމަށާއި، ގިފްޓް ވައުޗަރުވެސް ލިބޭނެ ކަމަށެވެ. މީގެއިތުރުން ޚާއްސަ އަގުތަކެއްގައި ޕްރޮޑަކްޓްތައް ގަންނަން ލިބޭނެކަމަށެވެ.
ޕޮއިޒްއަކީ އާންމުންގެ މަގުބޫލުކަން ލިބިފައިވާ، ފުޅާ ދާއިރާއެއްގައި ސެންޓާއި ބޮޑީ ސްޕްރޭ ވިއްކާ ފިހާރައެކެވެ.
