ހޮނިހިރު 18 ޖެނުއަރީ 2020
13 އުތުރަހަޅަ
1441 ޖުމާދަލްއޫލާ 23
ފަތިސް 05:02
އިރުއަރާ 06:17
މެންދުރު 12:20
އަސްރު 15:40
މަޣްރިބް 18:15
އިޝާ 19:31
ވިޔަފާރި - ބޯޓް އެންޑް ޑައިވް ޝޯވް

އިންޓަރނޭޝަލް ބޯޓް އެންޑް ޑައިވް ޝޯވްގައި 50 ވުރެ ގިނަ މީޑިއާ އަދި ޑައިވް އޮޕަރޭޓަރުން!

  • މިޝޯވް ބާއްވަނީ 2018 މާރޗު 21-22 ހުޅުމާލޭގައި
  • މިޝޯވްގައި 100 އަށް ވުރެ ގިނަ އުޅަނދު ދައްކާލުމަށް ބަހައްޓާފައި ހުންނާނެ
  • މިޝޯވްއަކީ މިގޮތަށް ބާއްވާ އެންމެ ފުރަތަމަ އިވެންޓް

ރިޒުނާ ޒަރީރު
RiznaZareer

ކ. މާލެ 11 ޖޫން 2017 | އާދީއްތަ 15:50 3,832

އިންޓަރނޭޝަލް ބޯޓް އެންޑް ޑައިވް ޝޯވް ބޭއްވުމަށް އަންނަނީ ތައްޔާރުވަމުން - ޓްވިޓަރ

މޯލްޑިވްސް ގޭޓްއަވޭސްއިން އިންތިޒާމްކޮށްގެން ބާއްވާ ފުރަތަމަ އިންޓަރނޭޝަލް ބޯޓް އެންޑް ޑައިވް ޝޯވްގައި ފަންސާހަށް ވުރެ ގިނަ ބައިނަލްއަގްވާމީ މީޑިއާ އާއި ޑައިވް އޮޕަރޭޓަރުން ބައިވެރިވާނެކަން ހާމަކޮށްފިއެވެ.

 

ރާއްޖޭގައި ބާއްވާ މި ބޯޓް އެންޑް ޑައިވް ޝޯވްއަށް ހާއްސަކޮށްގެން ފަރުމާކުރާ ވަގުތީ މެރީނާއެއް ހުންނާނެ ކަމަށާއި އެގޮތުން 100 އަށް ވުރެ ގިނަ އުޅަނދު ދައްކާލުމަށް ބަހައްޓާފައި ހުންނަ ކަމަށް ގޭޓްވޭސްއިން ބުންޏެވެ.'

 

 އަންނަ އަހަރުގެ މާރޗު 21-22 ހުޅުމާލޭގައި ބޭއްވުމަށް ތައްޔާރުވަމުންދާ ބޯޓް އެންޑް ޑައިވް ޝޯވްއަކީ މިގޮތަށް ބާއްވާ އެންމެ ފުރަތަމަ އިވެންޓް ކަމަށްވާއިރު، ސިންގަޕޯ ޔޮޓް އެންޑް ޑައިވް ޝޯވްއަށް ވުރެ ފެންވަރު ރަނގަޅުކޮށް ބޭއްވުމަށް ތައްޔާރުވަމުންދާ ކަމަށް ގޭޓްއަވޭސްއިން ބުންޏެވެ.

 

ސިންގަޕޯ ޔޮޓް ޝޯވްގައި އެ ދާއިރާގެ އެންމެ މަތީ ފަންތީގެ މީހުންނާ ބައްދަލުކޮށް މަޝްވަރާ ކުރުމުގެ ފުރުޞަތާއި، ބޯޓް އޯނަރުންނާއި ދައުވަތު ދެވިގެން އަންނަ ފަރާތްތަކަށް ލަގްޒަރީކޮށް ފަރުމާކޮށްފައިވާ ޔޮޓް ފަހަރު ދައްކާލާ ތަޖްރިބާކޮށްލުމުގެ ފުރުޞަތު ލިބިގެންދެއެވެ.

 

މިއިވެންޓަކީ ހާއްސަކޮށް ދައުވަތުދީގެން މެރިން އިންޑަސްޓްރީގައި މަސައްކަތް ކުރާ ފަރާތްތަކުން ބައިވެރިވާނެ އިވެންޓަކަށްވެގެންދާއިރު، އެންމެ ފުރަތަމަ ބާއްވާ ޑައިވާ ސަމިޓްވެސް މި ޝޯވްގެ ތެރެއިން ކުރިއަށްދާނެއެވެ.

 

އެގޮތުން މިދާއިރާގެ ތަޖްރިބާކާރުންނާއި އެކު ރާއްޖޭގައި ޑައިވިން ޓުއަރިޒަމްއަށް އޮތް ފުރުޞަތުތަކާއި ގުޅޭ ގޮތުން މަޝްވަރާ ކުރެވިގެންދާނެ އެވެ.

 

އަދި ރާއްޖެއަކީ ބޯޓިން ޑެސްޑިނޭޝަންއެއްގެ ގޮތުގައި ޕްރޮމޯޓް ކުރުމަށް މެރިން އިންޑަސްޓްރީގެ ޕްރޮފެޝަނަލުން ބައިވެރިވާ ފޯރަމެއްވެސް ކުރިއަށްދާނެ އެވެ.

 

ދުބާއި ސިންގަޕޯ ފަދަ ތަންތަނަކީ އެގައުމުތަކުގެ ޓުއަރިޒަމް ޕްރޮމޯޓް ކުރުމަށް އަމިއްލަ ބޯޓް ޝޯވްތަކެއް ބާއްވަމުންދާ ގައުމުތަކެއް ކަމަށްވާއިރު ރާއްޖޭގައި ފުޅާ ދާއިރާއެއްގައި ޓުއަރިޒަމް އޮތް އިރު ރާއްޖޭގައިވެސް އަމިއްލަ އިންޓަރނޭޝަލް ބޯޓް އެންޑް ޑައިވް ޝޯވްއެއް ބޭއްވުން ރާއްޖެއަށް ގިނަ ފުރުޞަތުތަކެއް ލިބިގެންދާނެ ކަމަށް ގޭޓްއަވޭސްއިން ބުންޏެވެ.

 

ސުކޫބާ ޑައިވިންއަށް ދުނިޔޭގައިވެސް އޮތް އެންމެ ރަނގަޅު ޑެސްޓިނޭޝަންއަކީ ރާއްޖެއެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް