ފެބްރުއަރީ މަހު ދެ ލައްކަ އަށްވުރެ ގިނަ ފަތުރުވެރިން ޒިޔާރަތްކޮށްފި

ފާއިތުވި ފެބުރުވަރީ މަހު ރާއްޖެ އަށް 246،399 ޓޫރިސްޓުން ޒިޔާރަތްކޮށްފައިވާކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކައިފިއެވެ.

ފަތުރުވެރިކަމާބެހޭ ވުޒާރާއިން އާއްމުކޮށްފައިވާ ތަފާސް ހިސާބުތައް ދައްކާގޮތުން މިދިޔަ މަހު ރާއްޖެއަށް ޒިޔާރަތްކުރި ފަތުރުވެރިންގެ އަދަދު ވަނީ 7.6 އިންސައްތަ މައްޗަށް ޖެހި ފައެވެ. ފަތުރުވެރިކަމާ ބެހޭ ވުޒާރާ އިން ބުނީ މިއަހަރުގެ ފެބްރުއަރީ މަހު ރާއްޖެއަށް އައި ޓޫރިސްޓުންގެ އަދަދު އެހެން އަހަރުތަކާ އަޅާ ބަލާއިރު އިތުރުވެފައިވާ ކަމަށާއި އޭގެ ސަބަބެއްކަމަށް ބެލެވެނީ އާއްމުކޮށް ފެބްރުއަރީ މަހު އަންނަ ޗައިނީޒް އާ އަހަރު މި އަހަރު އައިސްފައިވަނީ ޖެނުއަރީ ފަހު ކޮޅާ ދިމާވުން ކަމަށެވެ.

މިއަހަރުގެ ފެބްރުއަރީ މަހުގެ ނިޔަލަށް ރާއްޖޭގެ 700 ތަނުގައި ޓޫރިސްޓުންނަށް ހިދުމަތް ދޭއިރު، ޖުމްލަ 37،648 އެނދު އެބަހުރި ކަމަށްވެސް ތަފާސް ހިސާބުތައް ދައްކައެވެ. އެހެނަސް މި ތަފާސް ހިސާބުތަކަށް ބަލާއިރު ޗައިނާ ގެ މާކެޓް ދަށަށް ގޮސްފައިވާކަން ފާހަގަކުރެވެއެވެ.

ޓޫރިޒަމްގެ ތަފާސް ހިސާބުތައް ދައްކާގޮތުން ރާއްޖެއަށް އެންމެ ގިނަ އަދަދެއްގެ ފަތުރުވެރިން ޒިޔާރަތްކޮށްފައިވަނީ ޔޫރަޕުންނެވެ.

އިންޑިއާ އިން ރާއްޖެއަށް ޒިޔާރަތް ކުރާ ފަތުރުވެރިންގެ ނިސްބަތްވެސް އިތުރުވެފައިވާކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކައެވެ.