ލެޓްސް ކޫލްގެ އާ ފިހާރައެއް ހުޅުމާލޭގައި ހުޅުވައިފި

އޭސީ މަރާމާތް ކޮށްދިނުމާއި ސަޕްލައި ފޯރުކޮށްދޭ މަޝްހޫރު ފަރާތެއް ކަމަށްވާ "ލެޓްސް ކޫލް'" ގެ އާ ފިހާރައެއް ހުޅުމާލޭގައި ހުޅުވައިފިއެވެ.

އެންމެ ބާރުމިނުގައި ތަރައްޤީވަމުން އަންނަ އަންނަ އެއް ސިޓީ ކަމުގައިވާ، ހުޅުމާލޭގައި މި ފިހާރަ ހުޅުވުމުގެ ރަސްމިއްޔާތު ބާއްވާފައި ވާނީ މިދިޔަ ހޯމަދުވަހުގައެވެ.

އެ ފިހާރައިން ބުނީ ލެޓްސް ކޫލްގައި ވިއްކާ ބްރޭންޑެއްގެ ކަރަންޓު ޚަރަދު ކުޑަކޮށްދޭ އިންވާރޓާ ލިބެން ހުންނާނެ ކަމަށެވެ.

މީގެ ތެރޭގައި ގްރީ، ސްކައިވާރތް، ޑައިކިން އަދި ގަލަންޒް ފަދަ ބްރޭންޑްތައް ހިމެނެއެވެ. އަދި މީގެ އިތުރުން ޖަރުމަނުވިލާތުގެ އެއް ވަނަ ބްރޭންޑް ކަމަށްވާ "ލިކުއި މޯލީ"ގެ އަޑީތެލައި ސްޕެއާޕާރޓްސް ލިބެން ހުންނާނެއެވެ.

ލެޓްސް ކޫލްގެ މި ފިހާރަ ހުންނަނީ ހުޅުމާލެގެ ނިރޮޅުމަގުގައި ރެހެންދީ ސްކޫލު ކުރިމަތީއެވެ. މިއީ ލެޓްސް ކޫލް ބްރޭންޑުގެ ތިންވަނަ ފިހާރައެވެ.

މީގެ ކުރިން ވެސް ދެ ފިހާރައެއް ވަނީ މާލޭގެ އޯރކިޑް މަގާއި ސޯސަންމަގުގައި ހުޅުވާފައެވެ.

އަލަށް ހުޅުވި މިފިހާރައިން އިންވާރޓާރގެ އިތުރުން ކޯލްޑް ރޫމް އިންސޮޓޯލް ކޮށްދިނުމާއި އޭސީ ސަރވިސް ކޮށްދިނުނުމުގެ ހިދުމަތް ވެސް ލިބިގެން ދާނެއެވެ.