ޕާކިސްތާން ވެސް ސާފުގެ ކުރިން މުބާރާތެއްގައި ކުޅެނީ
ޖޫން 11 ވަނަ ދުވަހު ފަށާ މުބާރާތުގައި ވާދަކުރަނީ ކެންޔާ އާއި މޮރިޝަސް އަދި ޖިބޯޓީ
ޕާކިސްތާނުގެ ގައުމީ ޓީމުގެ ކުޅުންތެރިން: އަންނަ މަހު މާލެ އަންނާނެ
އަންނަ މަހު ފަށާ ސާފް ޗެމްޕިއަންޝިޕް ފުޓްބޯޅަ މުބާރާތުގެ ކުރިން ޕާކިސްތާނުން ވެސް އެހެން މުބާރާތެއްގައި ވާދަކުރަން ނިންމައިފި އެވެ.
ޕާކިސްތާނުން ވާދަކުރަނީ 4 ގައުމަކުން ވާދަކުރަން ނިންމާފައިވާ ފޯ ނޭޝަންސް ކަޕެއްގަ އެވެ. ޖޫން 11 ވަނަ ދުވަހު ފަށާ މުބާރާތުގައި ވާދަކުރަނީ ކެންޔާ އާއި މޮރިޝަސް އަދި ޖިބޯޓީ އެވެ.
ޕާކިސްތާން ފުޓްބޯޅަ ފެޑަރޭޝަނުން ބުނީ މިއީ އަންނަ މަހުގެ 21 ވަނަ ދުވަހު އިންޑިޔާގައި ފަށާ ސާފް ޗެމްޕިއަންޝިޕް ފުޓްބޯޅަ މުބާރާތަށް ތައްޔާރުވުމަށް ކުޅޭ މުބާރާތެއް ކަމަށެވެ.
ސާފް ޗެމްޕިއަންޝިޕުގައި ޕާކިސްތާން ހިމެނެނީ އިންޑިޔާ އާއި ނޭޕާލް އަދި ކުވޭތާއެކު ގްރޫޕް އޭގަ އެވެ. މުބާރާތުގެ ފުރަތަމަ މެޗުގައި ވާދަކުރާނީ އިންޑިޔާ އާއި ޕާކިސްތާނެވެ.
