އަންހެން ޗެމްޕިއަންސް ލީގު ބާސެލޯނާ އަށް

އަންހެނުންގެ ޗެމްޕިއަންސް ލީގު ފުޓްބޯޅަ މުބާރާތް ބާސެލޯނާ ކާމިޔާބުކޮށްފި އެވެ.

ފަހަތުން އަރައި 3-2އިން މޮޅުވެ، ބާސެލޯނާއިން ފައިނަލްގައި ބަލިކުރީ މުބާރާތް ދެ ފަހަރު ކާމިޔާބުކޮށްފައިވާ ޖަރުމަނުގެ ވުލްފުސްބާގެވެ.

މި ކާމިޔާބީއާއެކު ބާސެލޯނާ ވެސް މި ތަށި ކާމިޔާބު ކުރި އަދަދު ވަނީ ދޭކަށް އަރާފަ އެވެ. މި އަހަރުގެ ސްޕެނިޝް ލަލީގާ ވެސް ކާމިޔާބުކޮށްފައިވާ ބާސެލޯނާއިން ޗެމްޕިއަންސް ލީގު ކާމިޔާޞު ކުރުމުން އެ ޓީމަށް އިނާމެއްގެ ގޮތުގައި 250000 ޔޫރޯ ލިބޭނެ އެވެ. މުބާރާތުގެ އިނާމް ފައިސާގެ ބެހުމުގެ އޮނިގަނޑުގެ ދަށުން ފައިނަލުން ބަލިވާ ޓީމަށް ލިބޭނީ ދެ ލައްކަ ޔޫރޯ އެވެ.

ބާސެލޯނާއިން އެންމެ ފަހުން މި ތަށި ހޯދީ މީގެ އަހަރެއްގެ ކުރިންނެވެ. އެ ފަހއރުގެ ފައިނަލުގައި ބަލިވީ މުބާރާތުގެ އެންމެ ކާމިޔާބު ޓީމު ކަމަށްވާ ފްރާންސްގެ ލިއޯން އަތުންނެވެ. މިފަހަރުގެ ފައިނަލަކީ ބާސެލޯނާ ޖެހިޖެހިގެން މި މުބާރާތުގެ ފައިނަލް ކުޅުނު ތިން ވަނަ ފަހަރެވެ.