ކުރިން ބަލިކުރި ޓިމަށްވުރެ މިހާރުގެ ޔުނައިޓެޑް މާ މޮޅު: ގާޑިއޯލާ
ސިޓީ ވަނީ އޮކްޓޯބަރު މަހު 6-3 ން ޔުނައިޓެޑު ކައިރިން މޮޅުވެފަ
ގާޑިއޯލާ އަދި ޓެން ހާގް
މި ސީޒަނުގެ ކުރީކޮޅު މެންޗެސްޓާ ސިޓީއިން ބަލިކުރި ޔުނައިޓެޑުގެ ޓީމަށްވުރެ މިހާރުގެ ޔުނައިޓެޑް މާ މޮޅުކަމަށް ސިޓީގެ ކޯޗު، ޕެޕް ގާޑިއޯލާ ބުނެފިއެވެ.
އެފްއޭ ކަޕު ފައިނަލް މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ގާޑިއޯލާ ބުނީ އޮކްޓޯބަރު މަހު 6-3 ން ޔުނައިޓެޑު ކައިރިން މޮޅުވެވުނު ނަމަވެސް، މިހާރު އެއީ ތަފާތު ޓީމެއް ކަމަށެވެ. ގާޑިއޯލާގެ ސިޓީ އިން ޓެން ހާގްގެ ޔުނައިޓެޑާ ދެކޮޅަށް ނިކުންނަ މެޗަކީ ތާރީހުގައި ފުރަތަމަ ފަހަރަށް އެފްއޭ ކަޕު ފައިނަލުގައި ޔުނައިޓެޑާއި ސިޓީ ބައްދަލުކުރާ ފަހަރެވެ.
ގާޑިއޯލާ ބުނީ ފާއިތުވި ހަ މަސް ދުވަސްތެރޭގައި ޔުނައިޓެޑުގެ ޓީމު ވަރަށް ބޮޑަށް ރަނގަޅުކުރިކަމަށެވެ. މިއާއެކު ގާޑިއޯލާ ވަނީ ޓެން ހާގްއަށް ތައުރީފުކޮށްފައެވެ. އޭނާ އިތުރަށް ބުނީ ޓީމު އޮތީ ފިޓުކޮށްކަމަށާ، ޑިބްރައިނާ އާއި ގްރީލިޝްވެސް ފަރިތަކުރުންތަކުގައި ރަނގަޅަށް ބައިވެރިވިކަމަށެވެ. އަދި ގޯލްކީޕަރެއްގެ ގޮތުގައި ފެންނާނީ އެފްއޭ ކަޕު މެޗުތަކުން ފެނުނު ސްޓެފަން އޮރްޓެގާ ކަމަށް ގާޑިއޯލާ ބުންޏެވެ.
ހޮނިހިތު ދުވަހު ސިޓީއިން ނިކުންނާނީ ހަތް ވަނަ އެފްއޭ ކަޕު ކާމިޔާބުކޮށް، "ޓްރެބަލް" ނެގުމާ ފިޔަވަޅަކަށް ގާތަށް ޖެހިލުމަށެވެ. އަދި ޔުނައިޓެޑު ނިކުންނާނީ 13 ވަނަ އެފްއޭ ކަޕު ނަގާ، ތާރީހުގައި "ޓްރެބަލް" ނެގި ހަމައެކަނި ޓީމުގެ ގޮތުގައި ދެމިއޮތުމަށެވެ.
