ކޭމްޕް ނޫ މަރާމާތުކުރުމުގެ މަސައްކަތް ފަށައިފި
2 ޖޫން 2023 | ހުކުރު 16:11ރަސްމީކޮށް މަސައްކަތް ފަށާފައިވަނީ މި އަހަރުގެ މެއި މަހު 29 ވަނަ ދުވަހު
ބާސެލޯނާގެ ސްޓޭޑިއަމް، ކޭމްޕް ނޫ
ބާސެލޯނާގެ ސްޓޭޑިއަމް، ކޭމްޕް ނޫ މަރާމާތް ކުރުމުގެ މަސައްކަތް ފަށައިފިއެވެ.
2022 ވަނަ އަހަރު ސްޓޭޑިއަމްގެ މަސައްކަތް ކޮންމެވެސް ވަރަކަށް ފަށާފައިވީނަމަވެސް ކުލަބުން ރަސްމީކޮށް މަސައްކަތް ފަށާފައިވަނީ މި އަހަރުގެ މެއި މަހު 29 ވަނަ ދުވަހުއެވެ.
ސްޕެއިންގެ ކްލަބުން އޭޕްރީލް މަހު ބުނީ ގޯލްޑްމަން އާއި ޖޭޕީ މޯގަން ފަދަ އިންވެސްޓަރުންނާ އެކު 1.45 ބިލިއަން ޔޫރޯ (1.60 ބިލިއަން ޑޮލަރު) ގެ ފައިނޭންސިން ޑީލެއް ހަދާފައިވާ ކަމަށާއި އެ ޑީލްގެ ސަބަބުން ދަނޑާއި ވަށައިގެންވާ ސަރަހައްދު މަރާމާތު ކުރެވޭނެ ކަމަށެވެ. ކޭމްޕް ނޫ އަކީ ޔޫރަޕުގެ އެންމެ ބޮޑު ސްޓޭޑިއަމްއެވެ. އަދި 99،354 މީހުންގެ ޖާގައާއެކު ދުނިޔެއިން ހަތަރު ވަނައަށް އެންމެ ބޮޑު ސްޓޭޑިއަމްއެވެ.
ސްޓޭޑިއަމްގެ މަސައްކަތް ނިމުމާ ހަމައަށް ބާސެލޯނާ އިން ބޭނުންކުރުމަށް ހަމަޖެހިފައިވަނީ 1992 ވަނަ އަހަރު ބާސެލޯނާގައި އޮލިމްޕިކް މެޗުތައް ކުޅުނު އެއް ތަން ކަމަށްވާ ލުއިސް ކޮމްޕެނީސް ސްޓޭޑިއަމްއެވެ.
