ލީގު ޗެމްޕިއަންކަން ކަށަވަރުވުމަށްފަހު ކުޅުނު ދެވަނަ މެޗުންވެސް ބާސެލޯނާ ބަލިވެއްޖެ

ސްޕެނިޝް ލަލީގާގެ ޗެމްޕިއަންކަން ކަށަވަރުވުމަށްފަހު ކުޅުނު ދެވަނަ މެޗުންވެސް ބާސެލޯނާ ބަލިވެއްޖެއެވެ.

ސްޕެއިންގެ ޗެމްޕިއަން ބާސެލޯނާ އެންމެ ފަހުން ބަލިވީ ރެލިގޭޝަންގައި އޮތް ރެއާލް ވަޔޮޑޮލިޑް އަތުންނެވެ. މެޗުން ބާސާ ބަލިވީ 3-1 ނެވެ. މެޗުގައި ބާސާގެ ހަމައެކަނި ލަނޑު ލެވަންޑޯސްކީ ޖެހީ ވަޔޮޑޮލިޑުން ތިން ލަނޑު ޖެހިފަހުންނެވެ. ވަޔޮޑޮލިޑަށް ލީޑް ލިބުނީ ދެވަނަ މިނިޓްގައި ކްރިސްޓެންސަން އަތުން ބައިކޮޅަށް ވަން ގޯލަކުންނެވެ. ދެވަނަ ގޯލް ޕެނަލްޓީއަކުން ޖެހީ ލަރީންއެވެ. އަދި ދެވަނަ ހާފްގައި ތިންވަނަ ގޯލް ޖެހީ ޕްލާޓާއެވެ. ލީގު ޗެމްޕިއަންކަން ކަށަވަރުވުމަށްފަހު ކުޅުނު ފުރަތަމަ މެޗުގައި ބާސެލޯނާ ވަނީ ރެއާލް ސޮސިއެޑާޑް އަތުން 2-1 ން ބަލިވެފައެވެ. ލީގު ތަށި އުފުލާލީ އެމެޗަށްފަހުއެވެ.

ބާސެލޯނާ ބަލިކުރި ރެއާލް ވަޔޮޑޮލިޑަކީ މެޗަށް ނިކުއިންއިރު ރެލިގޭޝަންގައި އޮތް ޓީމެކެވެ. އެކަމަކު ބާސާ އަތުން ހޯދި ތިން ޕޮއިންޓާއެކު މިހާރު އޮތީ ތިން ޕޮއިންޓްގެ ލީޑަކާއެކު އެޒޯނުން ބޭރުގައެވެ. މިއީ ބްރެއިލްއާއި ރެއާލްގެ ކުރީގެ ތަރި ރޮނަލްޑޯގެ ކްލަބެވެ.