ކުރެންދޫ އަދި މާޅޮހު ސިއްހީ މަރުކަޒުގައި ކުރަން ހުރި މަސައްކަތްތައް ބަޔަކާއި ހަވާލުކޮށްފި
ކުރެންދޫ ޞިއްޙީ މަރުކަޒުގެ އެކްސްޓެންޝަން އިމާރާތުގެ މަސައްކަތް ކުރުމަށް ހަވާލުކޮށްފައިވޭ
މާޅޮސް ސިއްހީ މަރުކަޒު
އއ. މާޅޮހު ޞިއްޙީ މަރުކަޒުގެ ވަށާފާރު ރޭނުމާއި ޞިއްޙީ މަރުކަޒުގައި ކުރަންހުރި މަސައްކަތްތައް ކުރުމަށް، ނިއުހިޔާ މޯލްޑިވްސް ޕްރައިވެޓް ލިމިޓެޑާއި ހަވާލުކޮށްފިއެވެ.
މި މަސައްކަތުގެ ޖުމްލަ އަގަކީ 1,320,386,62ރ (އެއްމިލިއަން ތިންލައްކަ ވިހިހާސް ތިންސަތޭކަ އައްޑިހަ ދެ ރުފިޔާ ފަސްދޮޅަސް ދެލާރި) އެވެ. މި މަސައްކަތް ނިންމުމަށް ދީފައިވަނީ 140 ދުވަހެވެ.
މި އެއްބަސްވުމުގައި މިނިސްޓްރީ އޮފް ހެލްތުގެ ފަރާތުން ސޮއިކޮށްފައިވަނީ ސީނިއަރ އެގްޒެކެޓިވް ޑައިރެކްޓަރ ޢަބްދުލް ޙަންނާނު ޙުސައިންއެވެ. އަދި ނިއުހިޔާ މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކޮށްފައިވަނީ މެނޭޖިންގ ޑިރެކްޓަރ ޢަބްދުﷲ އަޙްމަދުއެވެ.
މީގެ އިތުރުން ޅ. ކުރެންދޫ ޞިއްޙީ މަރުކަޒުގެ އެކްސްޓެންޝަން އިމާރާތުގެ މަސައްކަތް ކުރުމަށް އިކޮސިސް ޕްރައިވެޓް ލިމިޓެޑާއި ވަނީ ހަވާލުކޮށްފައެވެ.
މި މަސައްކަތުގެ ޖުމްލަ އަގަކީ 4،382،497.33ރ (ހަތަރު މިލިއަން ތިންލައްކަ އަށްޑިހަ ދެހާސް ހަތަރުސަތޭކަ ނުވަދިހަ ހަތް ރުފިޔާ ތިރީސް ތިން ލާރި) އެވެ.
މި މަސައްކަތް ނިންމުމަށް ހަވާލުކޮށްފައިވަނީ 150 ދުވަހެވެ.
އެއްބަސްވުމުގައި މިނިސްޓްރީ އޮފް ހެލްތުގެ ފަރާތުން ސޮއިކޮށްފައިވަނީ ސީނިއަރ އެގްޒެކެޓިވް ޑައިރެކްޓަރ ޢަބްދުލް ޙަންނާނު ޙުސައިންއެވެ. އަދި އިކޮސިސް ޕްރައިވެޓް ލިމިޓެޑްގެ ފަރާތުން ސޮއިކޮށްފައިވަނީ ޑިރެކްޓަރ އިބްރާހިމް އަހުމަދު ދީދީއެވެ.
