ސްވިޒަލޭންޑްގައި ފްލައިޓެއް ވެއްޓި އޭގައި ދަތުރުކުރި އެންމެން މަރުވެއްޖެ
21 މެއި 2023 | އާދީއްތަ 04:43ފްލައިޓް ވެއްޓެން މެދުވެރިވި ސަބަބު ވަގުތުން ދެނެގަނެވިފައެއްނުވޭ
ސްވިޒަލޭންޑްގައި ފްލައިޓެއް ވެއްޓި، އޭގައި ދަތުރުކުރި އެންމެން މަރުވެއްޖެ
ސްވިޒަލޭންޑްގައި ފްލައިޓެއްވެއްޓި، އޭގައި ދަތުރުކުރި އެންމެން މަރުވެއްޖެއެވެ.
ސްވިޒަލޭންޑްގެ ފުލުހުންނާ ހަވާލާދީ ރޮއިޓަރސްގައި ރިޕޯޓުކޮށްފައިވާގޮތުން، ތިން މީހުންނާއެކު ދަތުރުކުރަމުންދިޔަ ލައިޓް އެއަރކްރާފްޓެއް ވަނީ ހޮނިހިރު ދުވަހުގެ ހެނދުނު އެގައުމުގެ ޕޮންޓްސް-ޑި-މަރޓެލް ސަރަހައްދަށް، ފަރުބަދަތައް މައްޗަށް ވެއްޓިފައެވެ.
މިފްލައިޓް ވެއްޓިފައި ވަނީ ހޮނިހިރު ދުވަހު، ސްވިޒަލޭންޑް ގަޑިން 10:20 ހާއިރު، ފްރާންސް ބޯޑަރާ ކައިރި ސަރަހައްދަކަށެވެ.
ވެއްޓުނު ފްލައިޓްގައި ދަތުރުކުރަމުން ދިޔައީ ތިން މީހުންނެވެ. އެއީ ޕައިލެޓާ ދެ ޕަސެންޖަރުންނެވެ. މިތިން މީހުންވެސް ވަނީ ހާދިސާގައި މަރުވެފައެވެ.
ފްލައިޓް ވެއްޓެން މެދުވެރިވި ސަބަބު ވަގުތުން ދެނެގަނެވިފައެއްނުވެއެވެ.
ސްވިޒަލޭންޑްގެ ފުލުހުން މިހާރު ވަނީ މިހާދިސާ ތަހުގީގުކުރަން ފަށައިފައެވެ.
