އިސްރާއީލާއި ފަލަސްތީނުން ހަމަލާ ބަދަލުކުރުން ހުއްޓާލުމަށް އެއްބަސްވެއްޖެ
މިއީ 2021 ވަނަ އަހަރު ހިނގައިދިޔަ 10 ދުވަހުގެ ހަނގުރާމައަށްފަހު ދިން އެންމެ ވަރުގަދަ ހަމަލާ
ހަމަލާ ބަދަލުކުރުން ހުއްޓާލުމަށް އެއްބަސްވުމާއެކު ފަލަސްތީނު ރައްޔިތުން މަގުތަކަށް ނުކުމެ އުފާ ފާޅުކުރަނީ
އިސްރާއީލާއި ފަލަސްތީނުން ހަމަލާ ބަދަލުކުރުން ހުއްޓާލުމަށް އެއްބަސްވެއްޖެއެވެ.
ރޮއިޓަރސްގައި ބުނެފައިވަނީ އިސްރާއީލާއި އިސްލާމިކް ޖިހާދު ޖަމާއަތާ ދެމެދު ހަމަލާ ބަދަލުކުރުން ހުއްޓާލުމަށް އެއްބަސްވެފައިވާއިރު މިއީ 2021 ވަނަ އަހަރު ހިނގައިދިޔަ 10 ދުވަހުގެ ހަނގުރާމައިގެ ފަހުން ހިނގި އެންމެ ނުރައްކާތެރި ހަމަލާ ބަދަލުކުރުން ނިމުމަކަށް ގެނައުމަށް މިސްރުން މެދުވެރިވެގެން ކުރި މަސައްކަތުގެ ނަތީޖާ ކަމަށެވެ.
ހަނގުރާމަ މަޑުޖެހުމުން ދިޔަ ވަރަކަށް ޣައްޒާގެ ހުސްވެފައިވާ މަގުތަކަށް މީހުން ނުކެމެ ފުރާލާފައިވެއެވެ. ބައެއް މީހުން އުފާފާޅުކޮށް ކާރުގެ ބަރުގޮނު އަޅާ، އަނެއް ބަޔަކު މިސްރާބު ޖެހީ މާރާމާރީގައި މަރުވި މީހުންގެ ގެތަކަށް އިހުތިރާމް އަދާކުރުމަށެވެ.
ފަލަސްތީނާއި އިސްރާއީލުގެ ފަރާތުން ވެވުނު އެއްބަސްވުމުގެ އަލީގައި މިސްރުން އިއުލާން ކުރަނީ ފަލަސްތީނާއި އިސްރާއީލުގެ ފަރާތުން ހަނގުރާމަ ހުއްޓާލާފައިވާ ކަމަށް ރޮއިޓާސްއަށް ލިބުނު އެއްބަސްވުމުގައި ބުނެފައިވާ ކަމަށް ރިޕޯޓްކޮށްފައިވެއެވެ.
ދެ ފަރާތުން ވެސް ތަބާވާނީ ހަނގުރާމަ ހުއްޓާލުމަށް ކަމަށާއި އޭގެ ތެރޭގައި އާންމުންނަށް އަމާޒުކޮށްގެން ގެދޮރު ސުންނާފަތިކުރުން ހުއްޓާލުމާއި ހަނގުރާމަ ހުއްޓާލުމަށް އަމަލުކުރަން ފެށުމުން ވަގުތުން ވަކިވަކި ފަރުދުންނަށް އަމާޒުކުރުން ހުއްޓާލުން ހިމެނޭނެ ކަމަށް އެއްބަސްވުމުގައިވާ ކަމަށް ރޮއިޓަރސްގައި ބުނެފައިވެއެވެ.
ވައިޓް ހައުސްގެ ޕްރެސް ސެކްރެޓަރީ ކަރީން ޖީން ޕިއެރޭ ވަނީ ހޮނިހިރު ދުވަހުގެ ރޭ ހަނގުރާމަ ހުއްޓާލުމުން މަރުހަބާ ވިދާޅުވެ، ސީސީ އާއި މިސްރުގެ މެދުވެރިކަމުގެ މަސައްކަތަށް ތައުރީފްކުރައްވާ، ގަތަރުގެ އަމީރު ޝެއިޚް ތަމީމް ބިން ހަމާދު އަލް ސާނީއަށް ޝުކުރު އަދާކުރައްވާފައެވެ.
