ފުރަތަމަ ލެގުގެ ނަތީޖާ އިން ފުއްދާލެވޭކަށް ނެތް: ގިރާލްޑޭޒް

ޔުއެފާ ޗެމްޕިއަންސް ލީގުގެ ސެމީ ފައިނަލްގެ ދެ ވަނަ ލެގަށް ކުރިމަތިލާއިރު، ފުރަތަމަ ލެގުގެ ނަތީޖާ އިން ފުއްދާލެވެން ނެތް ކަމަށް ބާސެލޯނާގެ ކޯޗު ޖޮނަތަން ގިރާލްޑޭޒް ބުނެފި އެވެ.

އޭނާ މިހެން ބުނީ ދެ ވަނަ ލެގުގައި ބާސެލޯނާގެ އަމިއްލަ ދަނޑުގައި ޗެލްސީއާ ދެކޮޅަށް ނިކުންނަ މެޗުގެ ކުރިން ވާހަކަ ދައްކަމުންނެވެ. މި ދެ ޓީމު ޗެލްސީގެ ދަނޑުގައި ކުޅުނު ފުރަތަމަ މެޗު 1-0 އިން ކާމިޔާބު ކުރީ ބާސެލޯނާ އިންނެވެ. އެހެންކަމުން ބާސެލޯނާގެ އަމިއްލަ ދަނޑުގައި ކުޅޭ މެޗުން ބަލިނުވެ ފަރުޖައްސާލައިގެން ވެސް ބާސެލޯނާ އަށް ފައިނަލުން ޖާގަ ހޯދޭނެ އެވެ.

އެ މެޗުގެ ކުރިން ވާހަކަ ދައްކަމުން ގިރާލްޑޭޒް ބުނީ، ޓީމެއްގެ ގޮތުގައި ބާސެލޯނާ އަށް ކުރެވޭނެ އެތައް ކަމެއް ކުޅުންތެރިންނަށް ވެސް ބުނެދީފައިވާނެ ކަމަށާއި، އެހެންކަމުން ދެ ވަނަ ލެގަށް ނިކުންނަން ޖެހޭނީ އިތުބާރާއެކު ކަމަށެވެ. އޭނާ ބުނީ ފުރަތަމަ ލެގުގެ ނަތީޖާ އަކީ ފުއްދާލެވޭނެ ނަތީޖާއެއް ނޫން ކަމަށާއި، ކުރިއަށް އޮތީ މުޅިން އައު މެޗެއް ކަމަށެވެ. އޭނާ ބުނީ ޗެމްޕިއަންސް ލީގުގެ ސެމީ ފައިނަލެއްގައި ކުޅޭއިރު އެތައް ކަމެއް ކުރިމަތިވާނެ ކަމަށާއި، އެހެންކަމުން އެ ކަންކަމާ ކުރިމަތިލާން ޖެހޭނީ އެންމެ އެކުވެގެން ކުރެވޭ މަސައްކަތުން ކަމަށެވެ.

ގިރާލްޑޭޒް ބުނީ އޭނާ އަށް ޤަބޫލު ކުރެވޭ ގޮތުގައި މިހާރު ބާސެލޯނާ އަށް ލިބިފައިވާ ފުރުސަތަކީ އިތުރު ޗެމްޕިއަންސް ލީގެއްގެ ފައިނަލް ކުޅުމަށް ލިބިފައިވާ ފުރުސަތެއް ކަމަށެވެ. ނަމަވެސް އޭނާ ބުނީ ކުރިމަތީގައި ނުވަ ދިހަ މިނެޓުގެ އިތުރު މެޗެއް ކަމަށާއި، އެހެންކަމުން އެ މެޗު ކާމިޔާބުކުރަން ފޯކަސް ކުރަން ޖެހޭ ކަމަށެވެ. އޭނާ ބުނީ އެ މެޗަށް ނިކުންނަން ޖެހޭނީ މިހާތަނަށް އެއްވެސް ކަމެއް ހާސިލް ކުރެވިފައި ނެތް ކަމަށް ސިކުނޑީގައި ވިސްނުން ބަހައްޓައިގެން ކަމަށެވެ. ގިރާލްޑޭޒް ބުނީ އަމިއްލަ ދަނޑުގައި ކުޅޭއިރު، ގިނަ ސަޕޯޓަރުންގެ ކުރިމަތީގައި ކުޅެން ލިބުމަކީ ވެސް ފައިނަލަށް ދާން އޮތް ބޮޑު އުންމީދެއްގެ ގޮތުގައި ދެކެން ޖެހޭ ކަމަށެވެ.

ބާސެލޯނާ އިން އެ ޓީމުގެ އަމިއްލަ ދަނޑުގައި ޗެލްސީއާ ދެކޮޅަށް ނިކުންނާނީ ބުރާސްފަތި ދުވަހުގެ ރޭ 21:45 ގައެވެ.