ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ކުޅިވަރު - ދިވެހި އަންހެން ފުޓްބޯޅަ

ގައުމީ އަންހެން ޓީމުގެ ފުރަތަމަ ކެޕްޓަން މިރުފަތު ރިޓަޔާކޮށްފި

  • ރިޓަޔާމެންޓް އިއުލާން ކޮށްފައިވަނީ އޭނާ ގެ ފޭސްބުކް ޕޭޖްގައި

އަޒްލިފާ އަބްދުﷲ
AzuAzlifa

ކ. މާލެ 27 ޖެނުއަރީ 2017 | ހުކުރު 16:16 2,209

ގައުމީ އަންހެން ޓީމުގެ ފުރަތަމަ ކެޕްޓަން މަރިޔަމް މިރުފަތު - ރާއްޖެއެމްވީ

 ދިހަ އަހަރަށްވުރެ ގިނަ ދުވަހު ގައުމީޓީމަށް ކުޅުމަށްފަހު ގައުމީ އަންހެން ޓީމުގެ ފުރަތަމަ ކެޕްޓަން އަދި މިހާރުގެ ވައިސް ކެޕްޓަން މަރިޔަމް މިރުފަތު ރިޓަޔާކޮށްފިއެވެ.

ހަތަރުވަނަ ސާފް ވުމަންސް ޗެމްޕިއަންޝިޕަށްފަހު ރިޓަޔާވުމަށް މިރުފަތު ނިންމާފައި އޮތްނަމަވެސް، އޭނާގެ ރިޓަޔާމެންޓް އިއުލާން ކޮށްފައިވަނީ ބުރާސްފަތި ދުވަހު އޭނާ ގެ ފޭސްބުކް ޕޭޖްގައި ކޮށްފައިވާ ޕޯސްޓެއްގައެވެ.

މިރުފަތުގެ  އެފްބީ ޕޯސްޓްގައި ބުނެފައިވަނީ ގައުމީ އަންހެން ޓީމަށް ގިނަ ދުވަސްތަކަކު ކުޅެފައިވާއިރު، އެ ދަތުރުގައި އޭނާއަށް އެހީތެރިވެދިން ހުރިހާ ފަރާތްތަކަށް ޝުކުރު އަދާކުރާކަމަށެވެ. ޚާއްސަކޮށް އޭނާގެ ކާމިޔާބީތަކާއި ނާކާމިޔާބީތަކުގެ ދަނޑިވަޅުތަކުގައިވެސް އާއިލާއާއި އެކުގައި ކުޅުނު ކުޅުންތެރިންގެ ފަރާތުން ލިބިގެންދިޔަ އެހީތެރިކަމާއި ހިތްވަރު މިރްފަތުވަނީ ފާހަގަކޮށްފައެވެ.

މީގެއިތުރުންވެސް ގައުމީ އަންހެން ޓީމަށް ކޯޗުކަން ކޮށްދިން ކޯޗުންނަށާއި، ޓީމުގެ މެނޭޖްމަންޓަށް މިރްފަތުވަނީ ޝުކުރު އަދާކޮށްފައެވެ. މިއާއެކު މިރްފަތުގެ އެންމެ ޚާއްސަ ޝުކުރެއް އަދާކޮށްފައިވަނީ އަބަދުވެސް ހެޔޮއެދޭ ސަޕޯޓަރުންނަށެވެ.

މިރްފަތުގެ ޕޯސްޓްގައި ރާއްޖޭގެ ގައުމީ އަންހެން ޓީމް 17-0 އިން ބަލިވި ހަނދާން އެބަހުރިކަމަށް ބުނެފައިވާއިރު، މިއަދު ޓީމު މޮޅުވެ ކުރިއަރަމުންދާތަން ފެނުމުން އޭނާއަށް ޓީމާއެކު ކުރެވިފައިވާ މަސައްކަތް ފެންނަކަމަށް ބުނެފައިވެއެވެ. މިރްފަތުގެ ޕޯސްޓް ނިންމާލަމުން ބުނެފައިވަނީ ގައުމީ ޓީމާއެކު ހޭދަކުރި ކޮންމެ ވަގުތަކީ އުފަލާއެކު ހަނދާނުގައި ހުންނާނެ ވަގުތަކެއް ކަމަށެވެ.

 

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް