ރާއްޖޭގައި ފުރަތަމަ ފަހަރަށް އިންޓަރނޭޝަނަލް އާރޓް ފެސްޓިވަލެއް ބާއްވަނީ
މި ފެސްޓިވަލް އޮންނާނީ 8 މެއި އިން 13 މެއި އަށް
ފަރުމާ އާރޓް ފެސްޓިވަލް
ރާއްޖޭގައި ބާއްވާ ފުރަތަމަ އިންޓަރނޭޝަނަލް އާރޓް ފެސްޓިވަލް އަންނަ މަހު ބާއްވަން ނިންމައިފިއެވެ.
މިކަން ހާމަކުރައްވާފައިވަނީ ޔޫތު މިނިސްޓަރު އަހުމަދު މަޚުލޫފް ކުރެއްވި ޓްވީޓެއްގައެވެ. މިއީ މޯލްޑިވިއަން އާޓިސްޓް ކޮމިއުނިޓީއާއި ޔޫތު މިނިސްޓްރީ ގުޅިގެން ކުރިއަށްގެންދާ ފެސްޓިވަލެކެވެ.
މިނިސްޓަރު މަޚުލޫފް ވިދާޅުވީ މި ފެސްޓިވަލް އޮންނާނީ 8 މެއިއިން 13 މެއިއަށް ކަމަށެވެ.
"ފަރުމާ އިންޓަރނޭޝަނަލް ޔޫތު އާރޓް ފެސްޓިވަލް" ގެ ނަމުގައި ކުރިއަށްގެންދާ މި ފެސްޓިވަލްގަައި 7 ގައުމެއްގެ އާޓިސްޓުން ބައިވެރިވާނެ ކަމަށް މިނިސްޓަރު މަޚުލޫފް ވިދާޅުވިއެވެ.
ރާއްޖޭގައި އާޓިސްޓުންނަށް ޚާއްސަކޮށް އެކި ހަރަކާތްތައް މީގެ ކުރިން ކުރިއަށްގެންދިޔަނަމަވެސް މިއީ ބައިނަލްއަގުވާމީ ފެންވަރުގައި ކުރިއަށްގެންދާ މިފަދަ ފުރަތަމަ ފެސްޓިވަލެވެ.
