މައުންޓަށް ޗެލްސީން ކިޔަނީ 70 މިލިއަން ޕައުންޑް
މައުންޓް ގަތުމަށް ލިވަޕޫލާއި ބަޔާން މިއުނިކް ބޭނުންވޭ
ޗެލްސީގެ މެންސަން މައުންޓް: އޭނާ ބޭނުންވަނީ ކުލަބު ބަދަލު ކުރަން
ޗެލްސީގެ ކޮންޓްރެކްޓް އާނުކޮށް ގަދަ ހަދައިގެން އުޅޭ މިޑްފީލޑަރު މެންސަން މައުންޓް ވިއްކާލާނީ 70 މިލިއަން ޕައުންޑަށް ކަމަށް އެކުލަބުން ނިންމައިފި އެވެ.
އިނގިރޭސި ނޫސްތަކުން ބުނާ ގޮތުގައި މައުންޓް ގަތުމަށް ޗެލްސީއާ ވާދަވެރި ލިވަޕޫލުން ދަނީ ވަރަށް ބޮޑަށް މަސައްކަތް ކުރަމުންނެވެ. އިނގިރޭސި ބައެއް ނޫސްތަކުން ވަނީ ލިވަޕޫލަށް ބަދަލުވުމަށް މައުންޓް އަނގަބަހުން އެއްބަސްވެފައިވާ ކަމަށް ވެސް ޝައްކު ކުރަމުންނެވެ.
އޭނާ ގަތުމަށް ޝައުގުވެރިވާ އަނެއް ކުލަބަކީ ޖަރުމަނުގެ ބަޔާން މިއުނިކެވެ. އެކުލަބުގައި މިވަގުތު ހުރީ ޗެލްސީގެ ކުރީގެ ކޯޗު ތޯމަސް ޓުކެލް އެވެ. އޭނާ އަކީ މައުންޓްގެ ވަރަށް ބޮޑު ފޭނެކެވެ.
މައުންޓް ޗެލްސީއާއެކު ހަދާފައިވާ ކޮންޓްރެކްޓް ހަމަވާތީވެ އޭނާ އަށް މިހާތަނަށް ދީފައިވާ ކޮންޓްރެކްޓްގައި ސޮއިނުކުރަން ވަނީ ނިންމާފަ އެވެ.
އަނެއްކޮޅުން މެނޭޖްމަންޓް ބަދަލުވި ވަގުތު ޗެލްސީން ބޮޑު އަގުގައި ކުޅުންތެރިންތަކެއް ގަނެފައިވާތީވެ އެކުލަބުން ކުރަންޖެހޭ ހޭދަ، ޕްރެމިއާ ލީގާއި ޔޫއޭފާގެ ގަވާއިދުތައް ހުއްދަކުރާ މިންގަނޑަށްވުރެ ވަނީ މަތިވެފަ އެވެ. މިހެންވެ ކުޅުންތެރިންތަކެއް ވިއްކާލަން ވަނީ މަޖުބޫރުވެފަ އެވެ.
