ރިޔާސީ އިންތިޚާބުގައި ޖުމްހޫރީ ޕާޓީން ވަކިން ވާދަ ކުރަން ނިންމައިފި
14 މާރިޗު 2023 | އަންގާރަ 14:02މިގޮތަށް އެ ޕާޓީން ނިންމާފައިވަނީ އަންގާރަ ދުވަހު ކުރިއަށްދިޔަ އެ ޕާޓީގެ 151 ވަނަ ކައުންސިލް ބައްދަލުވުމުގައެވެ
ޖުމްހޫރީ ޕާޓީގެ ލީޑަރު ގާސިމް އިބްރާހިމް
ރިޔާސީ އިންތިޚާބުގައި ޖުމްހޫރީ ޕާޓީން ވަކިން ވާދަ ކުރުމަށް އެ ޕާޓީން ނިންމައިފިއެވެ.
މިގޮތަށް އެ ޕާޓީން ނިންމާފައިވަނީ އަންގާރަ ދުވަހު ކުރިއަށްދިޔަ އެ ޕާޓީގެ 151 ވަނަ ކައުންސިލް ބައްދަލުވުމުގައެވެ. މި ބައްދަލުވުމުގައި ހުރިހާ މެމްބަރުން ވަނީ މި ނިންމުމަށް އިއްތިފާގުވެފައެވެ.
އެ ޕާޓިން ނިންމާފައިވަނީ ރިޔާސީ އިންތިޚާބުގައި، ޖުމްހޫރީ ޕާޓީން އިސްވެ އުފައްދާ ކޯލިޝަނަކުން ވާދަކުރުމަށެވެ.
ޖުމްހޫރީ ޕާޓީން މިގޮތަށް ނިންމާފައިވާއިރު އެ ޕާޓީއަކީ މިހާރު ވެރިކަން ކުރާ ކޯލިޝަނުގެ ހިއްސާއެކެވެ. އަދި ކުރިއަށް އޮތް ރިޔާސީ އިންތިޚާބުގައި ވެސް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހަށް ތާއިދު ކުރެއްވުމަށް އެމްޑީޕީން ވަނީ ޖޭޕީއާއެކު މަޝްވަރާ ކޮށްފައެވެ.
ކައުންސިލްގެ މިއަދުގެ ނިންމުމާ އެކު ޖުމްހޫރީ ޕާޓީގެ ފަހަތަށް އަރައި އިންތިހާބަށް ކޯލިޝަން ހަދަން ބޭނުންވާ ޕާޓީތަކަށް އެ ފުރުސަތު އޮތީ ހުޅުވާލައިފައެވެ.
