ޖުމްހޫރީ ޕާޓީގެ އެތެރޭގެ އިންތިޚާބު އާދީއްތަ ދުވަހު، ނާއިބު ރައީސްކަމުގެ މަގާމަށް 4 ބޭފުޅަކު ކުރިމަތިލައްވައިފި
މި އިންތިހާބުގައި ޖުމްލަ 11 މަގާމަކަށް ބޭފުޅުން އައްޔަންކުރާނެ
ޖުމްހޫރީ ޕާޓީގެ ލީޑަރު ގާސިމް އިބްރާހީމް
ޖުމްހޫރީ ޕާޓީގެ ހުސްވެފައިވާ ނާއިބު ރައީސްކަމުގެ މަގާމަށް ހަތަރު ބޭފުޅަކު ކުރިމަތިލައްވައިފި އެވެ.
އެ ޕާޓީގެ ހުސްވެފައިވާ މަގާމުތަކަށް ކުރިމަތިލުމަށް ބޭނުންވާ ފަރާތްތަކަށް ނޮވެމްބަރު މަހު 22 ގައި ހުޅުވާލި މި ފުރުސަތުގައި، އެ ޕާޓީގެ ނާއިބު ރައީސްގެ މަގާމާ އެކު ޖުމްލަ 11 މަގާމަކަށް ކުރިމަތިލުމަށް ފުރުސަތު ހުޅުވާލިއެވެ. އެއީ:
އޭގެ ތެރެއިން އެ ޕާޓީގެ ނާއިބު ލީޑަރު ކަމުގެ މަގާމަށް ހަތަރު ބޭފުޅަކު ކުރިމަތިލައްވާފައިވާއިރު، ޖޭޕީގެ ނާއިބު ލީޑަރުކަން ހުސްވީ ކުރިން އެ މަގާމު ފުރުއްވަމުން ގެންދެވި އިގްބާލު އާދަމް، ރިޔާސީ އިންތިހާބުގެ ދެ ވަނަ ބުރަށް ފަހު އެ މަގާމުން އިސްތިއުފާ ދެއްވުމާ ގުޅިގެންނެވެ. އެގޮތުން ހުސްވެފައިވާ އެ މަގާމަށް ކުރިމަތިލެއްވި ބޭފުޅުންނަކީ:
މި މަގާމްތަކަށް ބޭފުޅުން އައްޔަނުކުރެއްވުމުގެ ވޯޓު ނެގުން އޮތީ އާދީއްތަ ދުވަހު އެވެ. އެގޮތުން އެ ދުވަހުގެ މެންދުރު 2 ޖަހާއިރު ވޯޓުލުން ފެށޭނެއެވެ.
ޖުމްހޫރީ ޕާޓީގެ ފަރާތުން މިއަހަރުގެ ރިޔާސީ އިންތިޚާބުގައި ވާދަކުރެއްވި އެ ޕާޓީގެ ލީޑަރު، ގާސިމް އިބްރާހީމް އިންތިޚާބުން ނާކާމިޔާބު ވެވަޑައިގެންނެވި ފަހުން، އެ ޕާޓީގެ ސިޔާސީ ހަރަކާތްތައް ވަނީ ވަރަށް މަދުވެފައެވެ. އެގޮތުން އެ ޕާޓީގެ އެތެރޭގެ މި އިންތިޚާބަކީ ރިޔާސީ އިންތިޚާބަށް ފަހު، ބާއްވާ ސިޔާސީ ފުރަތަމަ ހަރަކާތެވެ.
