އިނގިރޭސި އެފްއޭކަޕް ކުއާޓާ ފައިނަލްގައި މެންޗެސްޓަރ ސިޓީިން އެޓީމްގެ ކުރީގެ ކެޕްޓަންގެ ޓީމާ ދެކޮޅަށް ނުކުންނަން ޖެހިއްޖެއެވެ.

ކުއާޓާ ފައިނަލްގައި މެންޗެސްޓަރ ސިޓީ ވާދަކުރަން ޖެހޭނީ ބާންލޭއާ ދެކޮޅަށެވެ. އެޓީމްގެ މިހާރުގެ ކޯޗަކީ ސިޓީގެ ކާމިޔާބު ކެޕްޓަން ބެލްޖިއަމްގެ ކޮމްޕެނީއެވެ. ކުރިން ޕްރިމިއަރ ލީގުގައި ވާދަކުރި ބާންލީ މިހާރު ވާދަކުރަނީ ޗެމްޕިއަންޝިޕްގައެވެ. ކޮމްޕެނީއަކީ 2008-2019 އަށް ސިޓީއަށް ކުޅުނު ކްލަބްގެ ލެޖެންޑެކެވެ. ސިޓީއާއެކު ކޮމްޕެނީ ވަނީ ހަތަރު ޕްރިމިއަރ ލީގު އުފުލާލާފައެވެ. ކޯޗިންގައި ބެލްޖިއަމްގައި މަސައްކަތްކުރުމަށްފަހު ކޮމްޕެނީ އަންނަނީ ބާންލޭއާއެކުވެސް ރަނގަޅު މަސައްކަތްތަކެއް ކުރަމުންނެވެ.

ކުއާޓާ ފައިނަލްގެ އެހެން މެޗުތަކަށް ބަލާއިރު މެންޗެސްޓަރ ޔުނައިޓެޑް ވާދަކުރަން ޖެހޭނީ ފުލްހަމްއާއެވެ. ބްރައިޓަން ވާދަކުރާނީ ގްރިމްސްބައި ޓައުންއާއެވެ. ޝެފީލްޑް ޔުނައިޓެޑް ވާދަކުރާނީ ބްލެކްބާން ރޯވާރސްއާއެވެ. ކުއާޓާ ފައިނަލް މެޗުތައް ކުޅޭނީ މާރޗް 17 ން 19 އަށެވެ.