ފިލް ފޮޑެންގެ ދެ ލަނޑާއެކު 3-0 ން ބްރިސްޓޮލް ސިޓީ ބަލިކޮށް, އިނގިރޭސި އެފްއޭކަޕްގެ ކުއާޓާ ފައިނަލުން މެންޗެސްޓަރ ސިޓީ ޖާގަ ހޯދައިފިއެވެ.
ފޯމް ގެއްލި, ފުރުޞަތުވެސް މަދުވެފައިވާ ފޮޑެން ވަނީ މެޗުގެ ދެހާފްގައި ސިޓީގެ ފުރަތަމަ ދެ ގޯލް ކާމިޔާބުކޮށްފައެވެ. ފޮޑެން ސިޓީއަށް ކުރި ހޯދައިދިނީ މެޗު ފަށައިގެން ހަތްވަނަ މިނެޓުގައި ރިޔާދު މާރޭޒް ތަނަވަސްކޮށްދިން ފުރުޞަތަކުންނެވެ. ދެވަނަ ގޯލް ޖެހީ 74 ވަނަ މިނެޓުގައެވެ. އެއީ އަލްވާރޭޒް ތަނަވަސްކޮށްދިން ފުރުޞަތަކުންނެވެ. ސިޓީގެ ތިންވަނަ ގޯލް ޖެހީ ކެވިން ޑެ ބުރޭނާއެވެ. މެޗުގައި ދެ ގޯލްޖެހި އިނގިރޭސި މިޑްފީލްޑަރ ފޮޑެން މެޗަށްފަހު ބުނީ އޭނާ ސަތޭކަ ޕަސަންޓު ފިޓްކަމަށެވެ. ފޮޑެން ހަތަރު ދުވަހުން ތިން ގޯލް ޖެހުމުން ކޯޗު ގާޑިއޯލާވެސް ބުނީ ފޮޑެން އެނބުރި އައިސްފިކަމަށެވެ.
ސިޓީ އަތުން ވީ ބައްޔަކީ ބްރިސްޓޮލް ސިޓީ މިއަހަރުވީ ފުރަތަމަ ބައްޔެވެ. ޗެމްޕިއަންޝިޕްގައި ވާދަކުރާ ޓީމު ބަލިވީ, ބަލިނުވެ 12 މެޗު ފުރިހަމަ ކުރުމަށްފަހުއެވެ.
