ސިޓީގެ ހިތަށް ތަދުވެއްޖެ، މޮޅުވާނެކަން ޔަގީނެއްނޫން: ގާޑިއޯލާ
22 ފެބުރުއަރީ 2023 | ބުދަ 04:14މުހިންމު ތިން ކުޅުންތެރިއަކަށް މިރޭ ނުކުޅެވޭނެ: ކޯޗު
މެންޗެސްޓާ ސިޓީގެ މުހިންމު ބައެއް ކުޅުންތެރިން: މިރޭގެ މެޗަކީ މުހިންމު މެޗެއް
ޗެމްޕިއަންސް ލީގު ފުޓްބޯޅަ މުބާރާތުގައި ބުދަ ދުވަހުގެ ރޭ ޖަރުމަނުގެ ލީފްޒިގާ ދެކޮޅަށް މެންޗެސްޓާ ސިޓީގެ މުހިންމު ތިން ކުޅުންތެރިއަކު ނުލައި ފަށަން ޖެހިއްޖެ އެވެ.
އެއީ މިޑްފީލްޑަރު ކެވިން ޑެބްރޫނޭ އާއި ދެ ޑިފެންޑަރުން ކަމަށްވާ އެމެރިކް ލަޕޯޓް އާއި ޖޯން ސްޓޯންސް އެވެ. މީގެ ތެރެއިން ސްޓޯންސް ފިޔަވައި އަނެއް ދެ ކުޅުންތެރިން ސްކޮޑުން އުނިކުރީ ބަލިވެ އުޅޭތީ އެވެ. ސްޓޯންސްގެ އަނިޔާ ރަނގަޅެއްނުވެ އެވެ.
މި މެޗާ ބެހޭ ގޮތުން އިނގިރޭސި ޗެމްޕިއަން ޓީމުގެ ކޯޗު ޕެޕް ގާޑިއޯލާ ބުނީ އިނގިރޭސި ލީގުގައި އެންމެ ފަހުން ނޮޓިންހަމްއާ ދެކޮޅަށް ސިޓީ ކުޅުނު މެޗަކީ މި ސީޒަނުގައި އެންމެ މޮޅަށް ކުޅުނު މެޗު ކަމަށެވެ. ނަމަވެސް އެ މެޗުން މޮޅުނުވެވުނު ކަމަށާއި މިހެންވެ މޮޅުވާނެ ކަމުގެ ޔަގީންކަންދޭން ޖެހިލުންވާ ކަމަށެވެ.
އޭނާ އަދި ބުނީ ފުރަތަމަ ފަހަރަށް ޗެމްޕިއަންސް ލީގު ކާމިޔާބުކުރަން މަސައްކަތް ކުރާއިރު މިއީ ސިޓީ ކުރިމަތިލާންޖެހޭ އިމްތިހާންތަކެއް ކަމަށާއި މިފަދަ ޓެސްޓްތަކުން ފާސްވުމަކީ މުބާރާތް ކާމިޔާބުކުރަން ލިބޭނެ ހިތްވަރެއް ކަމަށެވެ.
ލީޕްޒިގްގެ ކޯޗު މާކޯ ރޯސް ބުނީ މި މެޗުގައި އެންމެ ބޮޑު ދަތިކަމަކަށްވާނީ މި ސީޒަނުހައި 32 ގޯލު ޖަހާފައިވާ ސިޓީގެ ނުރައްކާތެރި ފޯވަޑް އާލިން ހާލާންޑް އޮބެހެއްޓުން ކަމަށެވެ.
މި މެޗު ފަށާނީ މާލޭ ގަޑިން މިރޭ 1 ޖަހާއިރު އެވެ.
