ތުރުކީއާއި ސީރިޔާއަށް އައި ދެވަނަ ބިންހެލުމުގައި 3 މީހުން މަރުވެއްޖެ
21 ފެބުރުއަރީ 2023 | އަންގާރަ 02:22680 އަށްވުރެ ގިނަ މީހުން ވަނީ ޒަޚަމްވެފައި
ތުރުކީއަށް އަނެއްކާވެސް އިތުރު ބިންހެލުމެއް އައުން
ތުރުކީއާ ސީރިޔާއަށް އައި ބާރުގަދަ ބިންހެލުމުގައި 3 މީހުން މަރުވެފައިވާކަމަށް ރިޕޯޓުކޮށްފިއެވެ.
ތުރުކީއާ ސީރިޔާއަށް ބާރުގަދަ ބިންހެލުމެއް އައިސް އެތައް ބަޔަކު މަރުވިތާ ދެ ހަފުތާ ފަހުން އަނެއްކާވެސް 6.3 މެގްނިޓިއުޑްގެ ބިންހެލުމެއް ހޯމަ ދުވަހު ވަނީ އައިސްފައެވެ.
ބީބީސީން ރިޕޯޓުކުރާގޮތުގައި މި ބިންހެލުމުގައި މިހާތަނަށް 3 މީހުން މަރުވެ، 680 އަށްވުރެ ގިނަ މީހުން ވަނީ ޒަޚަމްވެފައެވެ.
ޔޫރަޕިއަން މެޑިޓެރޭނިއަން ސީސްމަލޮޖިކަލް ސެންޓަރ (އޭއެމްއެސްސީ)ން ބުނެފައިވާގޮތުގައި އެ ބިންހެލުން އައިސްފައިވަނީ ބިމުގެ ދެ ކިލޯމީޓަރު އަޑިންނެވެ.
މި މަހުގެ ކުރީކޮޅު ސީރިޔާ-ތުރުކީ ބޯޑަރު ކައިރިއަށް އައި ބާރުގަދަ ބިންހެލުމުގެ ސަބަބުން ދެ ގައުމުން އެތައް ހާސް ބަޔަކު ވަނީ މަރުވެފައެވެ. އަދި އެތައް އިމާރާތެއް ވެސް ވަނީ ވެއްޓިފައެވެ.
