ނަޕޯލީގެ ލީޑް 18 ޕޮއިންޓަށް
18 ފެބުރުއަރީ 2023 | ހޮނިހިރު 03:46ނަޕޯލީ އޮތީ 62 ޕޮއިންޓާއެކު
ނަޕޯލީގެ ފުރަތަމަ ލަނޑަށްފަހު އުފާފާޅުކުރަނީ
އިޓާލިއަން ސެރީ އޭ ތާވަލްގެ އެއްވަނާގައި އޮތް ނަޕޯލީން ލީޑް 18 ޕޮއިންޓަށް ފުޅާކޮށްފިއެވެ.
ނަޕޯލީން ލީޑް 18 ޕޮއިންޓަށް ފުޅާކުރީ ސަސުއޯލޯ ބަލިކޮށް ހޯދި ތިން ޕޮއިންޓާއެކުއެވެ. ސަސުއޯލޯގެ ދަނޑުގައި ނަޕޯލީން މެޗު ކާމިޔާބުކުރީ 2-0 ނެވެ. މެޗުގެ ފުރަތަމަ ހާފްގައި ނަޕޯލީގެ ދެ ލަނޑު ޖެހީ ކްވަރަޝްހެއިލާއާއި, ވިކްޓަރ އޮސިމެންއެވެ. އޮސިމެންއަކީ ނަޕޯލީގައި މިވަގުތު އެންމެ ފޯމްގައި ހުރި ފޯވާޑެވެ. މިމޮޅާއެކު ނަޕޯލީ އެއްވަނާގައި އޮތީ 23 މެޗުން 62 ޕޮއިންޓާއެކުއެވެ. ދެވަނާގައި އޮތް 22 މެޗުން ލިބިފައިވަނީ 44 ޕޮއިންޓެވެ.
ނަޕޯލީން މަސައްކަތްކުރަމުން އަންނަނީ 1989/1990 ވަނަ އަހަރުގެ ސީޒަންގެ ފަހުން ފުރަތަމަ ފަހަރަށް ލީގު ހޯދުމަށެވެ. މީގެކުރިން ނަޕޯލީން ވަނީ ދެފަހަރު ލީގު ހޯދާފައެވެ. މިސީޒަންގެ ލީގުގައި ނަޕޯލީ ބަލިވީ އެންމެ މެޗަކުންނެވެ. ޗެމްޕިއަންސްލީގު ގްރޫޕް ސްޓޭޖްގައިވެސް ނަޕޯލީން ވަނީ ލިވަޕޫލް ފަހަތަށް ޖައްސާލާފައެވެ.
