ޔުވެންޓަސް ލީޑްފުޅާ ކޮށްފި

އިޓާލިއަން ލީގުގައި ޔުވެންޓަސް ޕެސްކާރާ އާ ދެކޮޅަށް ކުޅުނު މެޗު ކާމިޔާބުކޮށް ޕޮއިންޓް ތާވަލްގެ އެއްވަނައިގައި ނަގަމުން އަންނަ ލީޑް ފުޅާކޮށްފިއެވެ.

ހޮނިހިރު ދުވަހު ޕެސްކާރާ ދަނޑުގައި ކުޅުނު މެޗު ޔުވެންޓަސް އިން ކާމިޔާބު ކުރީ 0-2 ގެ ނަތީޖާ އަކުންނެވެ.

މިމެޗުގައި ޔުވެންޓސްގެ ލަނޑުވެސް ޖަހާފައިވަނީ އާޖެންޓީނާގެ ތަރި ގޮންޒާލޯ ހިގައިންނެވެ. އެގޮތުން ފުރަތަމަ ލަނޑު މެޗުގެ 22 ވަނަ މިނެޓުގައި ޖަހާފައިވަނީ ޖުއާން ތަނަވަސްކޮށްދިން ފުރުސަތެއްގައެވެ.

ދެވަނަ ލަޑު ޖަހާފައިވަނީ 43 ވަނަ މިނެޓުގައެވެ. ޕެސްކާރާގެ ސުލޭ މުންޓާރީ ކުރި ޓެކުލަކާ ގުޅިގެން ޕައޮލޯ ޑީބަލާ ވަނީ ދަނޑުން ބާލާފައެވެ.

އިޓަލިއަން ލީގުގައި ޖުވެންޓަސް އެއްވަނައިގައި އޮތީ 80 ޕޮއިންޓް ހޯދައިގެންނެވެ. ދެވަނަގައި ރޯމާ އޮތީ 72 ޕޮއިންޓް ހޯދައިގެންނެވެ.

އިޓާލިއަން ލީގުގެ އެހެން މެޗުތަކަށް ބަލާއިރު ރޯމާ ވަނީ އެޓަލާންޓާއާ 1-1 އިން އެއްވަރުވެފަ އެވެ. އަދި ދެ މިލާންގެ ކުރިމަތި ލުންވެސް ނިމިފައިވަނީ 2-2 އިން އެއްވަރު ވެގެންނެވެ.