ޕްރިމިއާ ލީގުގައި އެވަޓަންއާ ދެކޮޅަށް ކުޅުނު މެޗުން ލިވަޕޫލް މޮޅުވެއްޖެ އެވެ.

މިއީ މިއަހަރުގެ ލީގުގައި ކުޅުނު މެޗަކުން ލިވަޕޫލް މޮޅުވި ފުރަތަމަ ފަހަރެވެ. މީގެ ކުރިން މިއަހަރު ކުޅުނު ތިން މެޗަކުން ލިވަޕޫލް ވަނީ ބަލިވެފަ އެވެ. އަމިއްލަ ދަނޑުގައި ލިވަޕޫލް އިން އެވަޓަންގެ މައްޗަށް ކުރި ހޯދީ 2-0 އިންނެވެ.

މެޗުގައި ލިވަޕޫލަށް ފުރަތަމަ ލަނޑު ޖަހައި ކުރި ހޯދައިދިނީ މިޞްރުގެ ފޯވާޑް މުޙައްމަދު ޞަލާހު އެވެ. މެޗުގެ 36 ވަނަ މިނެޓުގައި އޭނާ ލަނޑު ޖެހީ ޑާވިން ނޫނޭޒް ތަނަވަސްކޮށްދިން ފުރުސަތެއްގަ އެވެ. ލިވަޕޫލްގެ ފަހު ލަނޑު ދެ ވަނަ ހާފު ފަށައިގެން ހަތަރު ވަނަ މިނެޓުގައި ޖެހީ ކޯޑީ ގަކްޕޯ އެވެ. މިއީ ފޯފާ ވޯލްޑް ކަޕަށްފަހު ލިވަޕޫލަށް ބަދަލުވި ގަކްޕޯ އެ ޓީމަށް ޖަހައިދިން ފުރަތަމަ ލަނޑެވެ.

މެޗުން މޮޅުވެ ލިވަޕޫލް އޮތީ ތާވަލްގެ ނުވަ ވަނައިގަ އެވެ. އެއީ މިހާތަނަށް ކުޅުނު 21 މެޗުން 32 ޕޮއިންޓާއެކު އެވެ.