ޓޮޓެންހަމް ބަލިކޮށްގެން އާސެނަލްއާ ދެމެދު ފަރަގު ކުޑަކުރަން ލިބުނު ފުރުޞަތު ޗެމްޕިއަން މެންޗެސްޓަރ ސިޓީން ނަގާލައިފިއެވެ.

އެވަޓަން އަތުން އާސެނަލް ބަލިވުމުން, ފަރަގު ދެ ޕޮއިންޓަށް ކުޑަ ކުރުމުގެ ފުރުޞަތު ސިޓީއަށް އޮތެވެ. ނަމަވެސް ޓޮޓެންހަމް އަތުން ސިޓީ ބަލިވުމުން ފަރަގު ބޮޑުކުރުމުގެ ފުރުޞަތު އަލުން އާސެނަލްއަށް ވަނީ ލިބިފައެވެ. ޓޮޓެންހަމް އަތުން އާސެނަލް ބަލިވީ 1-0 ނެވެ. މެޗުން ޓޮޓެންހަމް މޮޅުކޮށްދިން ލަނޑު ފުރަތަމަ ހާފްގައި ޖެހީ ހެރީ ކޭންއެވެ. މިލަނޑާއެކު ކޭން ވެފައިވަނީ ޓޮޓެންހަމްއަށް އެންމެ ގިނަ ލަނޑު ޖެހި ކުޅުންތެރިޔާއަށެވެ. އެއީ 267 ގޯލާއެކުއެވެ. މިއީ ޕްރިމިއަރ ލީގުގައި ކޭންގެ 200 ވަނަ ލަނޑެވެ. މެޗު ނިމެން ތިން މިނެޓަށް ވެފައިވަނިކޮށް ޓޮޓެންހަމްގެ ރޮމެރޯއަށް ދެވަނަ ރީނދޫ ކާޑާއެކު ރަތްކާޑް ދެއްކުމުން މެޗު ނިންމާލަން ޖެހުނީ ދިހަ ކުޅުންތެރިންނާއެކުއެވެ.

މިމޮޅާއެކު ޓޮޓެންހަމް އޮތީ 39 ޕޮއިންޓާއެކު ފަސް ވަނައިގައެވެ. މެންޗެސްޓަރ ސިޓީ އޮތީ 21 މެޗުން 45 ޕޮއިންޓާއެކުއެވެ. އެއް ވަނައިގައި އާސެނަލް އޮތީ 20 މެޗުން 50 ޕޮއިންޓާއެކުއެވެ.