ކ. މާލެ
|
29 ޖެނުއަރީ 2023 | އާދީއްތަ 17:21
އަފްޣާނިސްތާނުގައި އިމްތިހާން ހަދަން ތިބި ދަރިވަރުންތަކެއް
އަފްޣާނިސްތާނުގައި އިމްތިހާން ހަދަން ތިބި ދަރިވަރުންތަކެއް
ވަޔަން
އަފްޣާނިސްތާން އަންހެނުން
އަފްޣާނިސްތާނުގައި ސްކޫލް ނިންމާ އަންހެން ކުދިން ޔުނިވަރސިޓީއަށް ވަނުމަށްޓަކައި ހަދަންޖެހޭ އިމްތިހާނު ހެދުން މަނާކޮށްފި
 
ޔުނިވަރސިޓީއަށް ވަނުމުގެ އިތުރުން، އެންޖީއޯތަކުގައި މަސައްކަތްކުރުންވެސް ވަނީ އަންހެނުންނަށް މަނާކޮށްފައި

އަފްޣާނިސްތާނުގައި ސްކޫލް ނިންމާ އަންހެން ކުދިން ޔުނިވަރސިޓީއަށް ވަނުމަށްޓަކައި ހަދަންޖެހޭ އިމްތިހާނު ހެދުން ތޯލިބާން ވެރިން މުޅިން މަނާކޮށްފިއެވެ. އެގައުމުގެ މިނިސްޓްރީ އޮފް ހަޔަރ އެޑިއޔުކޭޝަންއިން އެންމެ ފަހުން ނެރުނު އަމުރު ބުނާގޮތުން، 28 ޖެނުއަރީ ވީ ހޮނިހިރު ދުވަހުން ފެށިގެން ހުރިހާ ޕަބްލިކް، އަދި ޕްރައިވެޓް ޔުނިވަރސިޓީ ތަކަށް ވަނުމަށް ހަދާ ޚާއްސަ ޓެސްޓް ހެދުން އަންހެން ކުދިންނަށް ވަނީ މަނާކޮށްފައެވެ. އަދި އަންހެން ކުދިން ޔުނިވަރސިޓީތަކަށް ވެއްދުން ވަނީ މަނާކޮށްފައެވެ. މިއަމުރާ ޚިލާފްވާ ފަރާތްތަކާމެދު ފިޔަވަޅު އަލަމުން ދާނެކަންވެސް ވަނީ އަންގާފައެވެ.

އަޣާނިސްތާންގައި ކޮންމެ އަހަރަކުވެސް ހައިސްކޫލުން ގްރެޖުއޭޓްވާ އެތައް ހާސް ކުދިން ޔުނިވަރސިޓީތަކަށް ވަނުމަށްޓަކައި މި އިމްތިހާނު ހަދައެވެ.

މީގެ ކުރިން އަންގާފައިވާގޮތުގައި ބައެއް ޕްރައިވެޓް ޔުނިވަރސިޓީތަކަށް ކުދިން ވެއްދި ދާނެއެވެ. ނަމަވެސް މިހާރު އެކަންވެސް މިވަނީ މަނާކުރެވިފައެވެ.

އަފްޣާނިސްތާންގައި އަންހެންކުދިންނަށާއި އަންހެނުންނަށް ކިޔެވުމާއި އަދި ވަޒީފާއަދާކުރުމުގައި ކުރިމަތިކުރަމުންދާ ހުރަސްތައް ނައްތާލެވޭތޯ ބެލުމަށްޓަކައި ބައިނަލްއަގުވާމީ އެކި ފަރާތްތަކުންވެސް ދަނީ މަސައްކަތްތަކެއް ކުރަމުންނެވެ. މިގޮތުން ޔޫއެންއެއިޑްގެ ޗީފް، މާޓީން ގްރިފިތުސްވެސް ދާދި ފަހުން ވަނީ ތޯލިބާންގެ އިސްބައެއް އޮފިޝަލުންނާ ބައްދަލުކުރައްވާފައެވެ.

ތޯލިބާނުން މީގެ ކުރިން ވަނީ އަފްޣާނިސްތާނުގެ އަންހެނުން އެންޖީއޯތަކުގައި މަސައްކަތްކުރުންވެސް ހުއްޓުވާފައެވެ. މިއާއެކު އެގައުމުގައި ހަރަކާތްތެރިވަމުން އައި ބައެއް ބޮޑެތި ބައިނަލް އަގުވާމީ އެއިޑް އޭޖެންސީތަކުން ކުރަމުން އައި މަސައްކަތްތައް ވަނީ މެދުކަނޑާލާފައެވެ. މިއާއެކު އެހީގެ ތަކެއްޗަށް ބަރޯސާވާ އެތައްހާސް އާއިލާތަކެއް އިތުރަށް ހާލުގައި ޖެހުމުގެ ބިރުވަނީ ބޮޑުވެފައެވެ.

އަފްޣާނިސްތާނުގައި އަންހެނުންނަށް ދަތިކުރުމުގެ ކަންތައް 2021 ވަނަ އަހަރުގެ އޮގަސްޓް ހިސާބުގައި ވަނީ ފަށާފައެވެ. މިގޮތުން ސެކަންޑަރީ ސްކޫލްތަކަށް އަންހެން ކުދިން ދިއުންވެސް މަނާކުރެވުނެވެ. ގިނަ ބާވަތްތަކެއްގެ ވަޒީފާތަކެއްގައި އުޅުން މަނާކުރެވުނެވެ. މީގެ އިތުރުން ޖިމްތަކަށް ދިއުމާއި ޕާކްތަކަށް ދިއުމުގެ އިތުރުން، އާންމު ފާޚާނާތަކަށް ދިއުންވެސް ވަނީ މަނާކޮށްފައެވެ. އެހެންކަމުން އަފްޣާނިސްތާނުގެ އަންހެނުން ތިބެންޖެހިފައިވަނީ ހަމައެކަނި ގޭގެ ހަތަރު ފާރުގެ އެތެރޭގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް