އަފްޣާނިސްތާނުގައި އާއްމުން ޒަޚަމްވި މިންވަރު އަނެއްކާވެސް ރެކޯޑް މިންވަރަކަށް މައްޗަށް ހިނގައްޖެއެވެ.

މީގެ ތެރޭގައި އައިއެސް ޖަމާއަތާ ގުޅުންހުރި ހަމަލާތަކުގައި އިތުރުވި ދހަ ގުނަ ވެސް ހިމެނެއެވެ.

އދ ގެ އަހަރީ ރިޕޯޓްގައި ބުނެފައިވަނީ 2016ގައި  އާއްމުންގެ 3،498 މީހުން މަރުވެފައިވާ ކަމަށާއި 7،920 މީހުން ޒަޚަމްވެފައިވާއިރު މިއީ 2015 ވަނަ އަހަރާ އަޅާބަލާއިރު 3 އިންސައްތައިގެ އިތުރުވުމެއްކަމަށެވެ.

ކުޑަކުދިން މަރުވި އަދަދު ނުވަތަ ޒަޚަމްވި އަދަދު ކުއާޓާއެއްގެ ތެރޭގައި އެންމެ މައްޗަށް އަރާފައިވެސްވަނީ މިދިއަ އަހަރުއެވެ.

އާއްމުން ދިރިއުޅޭ ސަރަހައްދުގައި ހަނގުރާމަވެރިންނާ ފައުޖުތަކުން އެއްގަމު މަގުން ހަނގުރާމަ ކުރަމުން ދިއުމަކީ އާއްމުން މަރުވުމަށް މެދުވެރިވާ މައިގަނޑު ސަބަބުކަމަށް ރިޕޯޓްގައި ބުނެފައިވެއެވެ.

 އދން އަފްޣާނިސްތާނަށް ކަނޑައަޅުއްވާފައި ހުންނެވި ޚާއްސަ ރެޕަޓުއާ ޓަޑަމީޗީ ޔަމަމޯޓޯ ސިފަކުރެއްވިގޮތުގައި އާއްމުން މަރުވަމުން ދިއުމަކީ ހިތްދަތި އަސަރުތަކެއް ކުރުވާ އަދި ހުއްޓުވިދާނެކަމެކެވެ.

ޒަޚަމްވި އަދި މަރުވި ގިނަ މީހުންގެ މަރުގެ ޒިންމާ އަދި ޒަޚަމްވުމުގެ ޒިންމާ ނަގަންޖެހެނީ ތާލިބާނުން ކަމަށް ރިޕޯޓްގައި ބުނެފައިވެއެވެ.

އދން ބުނެފައިވާގޮތުގައި އެންމެ ގިނައިން މީހުން މަރުވެ އަދި ޒަޚްމްވެފައިވަނީ އައިޑީ އިންނާއި،ޖާނުންފިދާވެ ދިން ހަމަލާތަކުންނާއި،ރޭވިގެން ދެވުނު ހަމަލާތަކުންނެވެ.

އަފްޣާނިސްތާނުގައި އާއްމުން މަރުވަމުންދާ އަދަދުތައް އދން ރައްކާކުރަން ފެށީ 2009 ވަނަ އަހަރުން ފެށިގެންނެވެ.