ޕާކިސްތާނާއި އަފްޣާނިސްތާނުގައި ހިނގި ސްނޯ ފޭބުމުގެ ހާދިސާތަކުގައި 100 އަށް ވުރެ ގިނަ މަރު
އޮފިޝަލުން ބުނާގޮތުން ސްނޯ ފޭބުމުގެ އިތުރު ހާދިސާތަކެއް ހިނގުން އެކަށީގެންވޭ
ޕާކިސްތާނުގެ ޗިޓްރަލްގައި ހިނގި ހާދިސާގެ ތެރެއިން
ޕާކިސްތާނާއި އަފްޣާނިސްތާނުގައި ބޯކޮށް ސްނޯ ފޭބުމުގެ ސަބަބުން 100 އަށް ވުރެ ގިނަ މީހުން މަރުވެއްޖެއެވެ.
އެގޮތުން އަފްޣާނިސްތާނުގައި ބޯކޮށް ސްނޯ ފޭބުމުގެ ސަބަބުން 106 މީހުން މަރުވެ އެތައް ބަޔަަކު ވަނީ ޒަޚަމްވެފައެވެ. އަފްޣާނިސްތާނުގައި ހިނގި އެންމެ ނުރައްކާތެރި ހާދިސާއަކީ އެއް ވިލެޖެއްގައި 53 މީހުން މަރުވި ހާދިސާއެވެ. އެ ހާދިސާ ހނިގީ އުތުރު-އިރުމަތީ އަފްޣާނުގެ ޕްރޮވިންސެއް ކަމަށްވާ ނުރިސްތާނުގައެވެ. އެއީ ޕާކިސްތާނުގެ ބޯޑަރު ކައިރީ އޮންނަ އަފްގާނުގެ ޕްރޮވިންސްއެކެވެ.
ޕާކިސްތާނުގައި ހިނގި ސްނޯ ފޭބުމުގެ ހާދިސާތަކަށް ބަލާއިރު އުތުރު ޕާކިސްތާނުގައި ހިނގި ހާދިސާއެއްގައި ވަނީ 13 މީހުން ވަނީ މަރުވެފައެވެ. 13 މީހުންގެ ތެރެއިން ނުވަ މީހުންނަކީ ޗިޓްރަލް ޓައުންގައި ހިނގި ހާދިސާއެކެވެ.
އޮފިޝަލުން ބުނާ ގޮތުން ސްނޯ ފޭބުމުގެ އިތުރު ހާދިސާތަކެއް ހިނގުން އެކަށީގެންވެއެވެ.
