އިޓާލިއަން ސުޕަރ ކަޕްގެ ޗެމްޕިއަންކަން އިންޓަރ މިލާން ހޯދައިފިއެވެ.

އިންޓަރ މިލާން ޗެމްޕިއަންކަން ހޯދީ ސައޫދީ އަރަބިޔާގައި ކުޅުނު ފައިނަލްގައި ވާދަވެރި އޭސީ މިލާން 3-0 ން ބަލިކޮށްގެންނެވެ. މިއީ އިޓާލިއަން ސުޕަރ ކަޕް ފައިނަލްގައި އޭސީ މިލާން އަތުން އިންޓަރ މިލާން މޮޅުވި ފުރަތަމަ ފަހަރެވެ. މެޗު ފަށައިގެން 10 ވަނަ މިނެޓުގައި އިންޓަރ މިލާނަށް ކުރިހޯދައިދިނީ ފެޑެރީކޯ ޑިމާކޯއެވެ. އޭގެ 10 މިނެޓު ފަހުން ދެވަނަ ގޯލް ޖެހީ އެޑިން ޒެކޯއެވެ. ތިންވަނަ ގޯލް ދެވަނަ ހާފްގައި ޖެހީ ލަޓާރޯ މާޓީނޭޒްއެވެ. މިދިޔަ އަހަރު ފައިނަލްގައި ޔުވެންޓަސް ބަލިކޮށް މިތަށި ހޯދީވެސް އިންޓަރ މިލާނެވެ.

އިންޓަރ މިލާން ވަނީ 1977ގެ ކޮޕާ އިޓާލިއަން ފައިނަލްގައި އަދި 2011 ވަނަ އަހަރު އިޓާލިއަން ސުޕަރ ކަޕް ފައިނަލްގައި އޭސީ މިލާން އަތުން ބަލިވެފައެވެ.