ތަރައްގީއަށްޓަކައި ކުރާ މަސައްކަތުގައި އެންމެ އިސްކަމެއްދެނީ ރައްޔިތުންނަށް - ރައީސް
ފާހަގަ ޖަހަމުން ޖަހަމުން ގޮސް މި ލިސްޓް ކުރިއަށް ގެންދެވިދާނެ
ކެމްޕޭންގައި ހޯރަފުއްޓަށް ވަޑައިގެން ރައީސް ވާހަކަފުޅުދައްކަވަނީ
ތަރައްގީއަށްޓަކައި ސަރުކާރުން ކުރާ މަސައްކަތުގައި އެންމެ އިސްކަމެއްދެނީ ފުރަތަމަވެސް ރައްޔިތުންނަށް އަދި ވަކިވަކި ފަރުދުންގެ އަސާސީ ހައްގުތަކާއި ހިދުމަތްތައް ފޯރުކޮށްދިނުމަށް ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މިހެން ވިދާޅުވީ އެމްޑީޕީގެ ޕްރައިމަރީގެ ކެމްޕެއިންނަށް ހއ. ހޯރަފުއްޓަށް ވަޑައިގެން އެމްޑީޕީ މެންބަރުންނާއި ބައްދަލުކުރައްވާ ދެއްކެވި ވާހަކަފުޅުގައެވެ. ރައީސް ވިދާޅުވީ ހޯރަފުށީގައި އުޅޭ ރައްޔިތެއްކަމުގައި ވިޔަސް އަދި އުލިގަމާއި ތުރާކުނުގައި އުޅޭ ރައްޔިތެއްކަމުގައި ވިޔަސް އަދި މާލޭގައި ދިރިއުޅޭ ރައްޔިތެއްކަމުގައި ވިޔަސް ލިބެންޖެހޭ އަސާސީ ހިދުމަތްތަކެއް އެބަހުރި ކަމަށެވެ.
އެ ހިދުމަތްތައް ރައްޔިތުންނަށް ފޯރުކޮށްދެއްވަމުން ގެންދަވާ ކަމަށާއި، އެއަށްފަހުގައި ރައްޔިތުން ބޭނުންވާ ދިރިއުޅުމާއިގެން ކުރިއަށްވަޑައިގެންނެވޭނެކަމަށެވެ. ރައީސް ވިދާޅުވީ ހޯރަފުށީ ދާއިރާއަށް ގެންނަވާ ތަރައްގީގައި އުލިގަމާއި ތުރާކުނަކީ ބާކީވެގެންދާނެ 2 ރަށެއް ނޫން ކަމަށެވެ. އަދި އެ ދެރަށުގައި ދިރިއުޅޭ ހުރިހާ ރައްޔިތުންނަށް، ބޭނުންވާ އަސާސީ ހިދުމަތްތައް ފޯރުކޮށްދޭނެކަމުގެ ޔަގީންކަން ދެއްވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ ކޮވިޑްގައި ވަރަށް ވަރަށް ދަތި ދުވަސްތަކެއް ކުރިމަތިވެއްޖެ ކަމަށެވެ. އެ ދަނޑިވަޅުގައިވެސް ވަރަށް ބައިވަރު ގޮންޖެހުންތަކާއި ކުރިމަތިލާން ޖެހުނު ކަމަށާއި، މުޅި ރާއްޖެ ބަންދުކުރަން ޖެހުނު ވަގުތުގައި ބައެއް ފަރާތްތަކުން އުނދަގޫތައް ކުރިމަތިކުރުވަމުން ގެންދެވި ކަމަށެވެ.
މުޅި ދުނިޔެ ބަންދުވެގެން ދިޔަ އިރުގައި ރާއްޖެ ބަންދުކުރުން ނޫން ގޮތެއް ނެތް ކަމަށާއި، އެހެންނަމަވެސް އެއިރު އެކަމާއި ގަދައަޅައި އިދިކޮޅު ހަދަމުން ދިޔައީ އެއްގޮތަކަށްވެސް އެކަންކޮށްގެން ނުވާނެ ކަމަށް ބުނެ ކަމަށް ރައީސް ވިދާޅުވިއެވެ.
ރައީސް ވިދާޅުވި ހޯރަފުއްޓާއި، ތުރާކުނާއި އުލިގަމުގެ ތަރައްގީއަށްވެސް އަދި ރާއްޖޭގެ ހުރިހާ ސަރަހައްދެއްގައި ހިނގާ ތަރައްގީގެ ޕްރޮޖެކްޓްތަކަކީ ރަނގަޅަށް ޕްލޭންކުރެވި، ފައިސާ އެކަމަށް ހޯދާ ރޭވުންތެރިކަމާއެކުގައި ދުރަށް ވިސްނަވައިގެން ކުރައްވަމުން ގެންދަވާ ކަމެއް ކަމަށެވެ.
އެއްވެސް ހާލެއްގައި ސަރުކާރުން ކުރާ އެއްވެސް މަސައްކަތަކީ ފަސް އަހަރުން ފަސްއަހަރުން ވެރިކަމަށް އައިސް ކުރަންޖެހޭނެ މަސައްކަތެއް ނޫން ކަމަށް ރައީސް ވިދާޅުވިއެވެ. އެއިރުން ދައުލަތުގެ ބަޖެޓުން ކުރަންޖެހޭ ހޭދަ މާބޮޑުވާނެ ކަމަށާއި، މިކުރައްވާ މަސައްކަތްތަކީ ކުރިއަށް އޮތް 20-30 އަހަރަށް ބަދަލެއް ނުގެނެސް ހިދުމަތްދެވޭނެ ކަންކަން ކަމަށެވެ.
