ވަރލްޑް ކަޕަށްފަހު މެސީގެ ފުރަތަމަ ލަނޑާއެކު ޕީއެސްޖީ މޮޅު!

ފީފާ ވަރލްޑްކަޕް ކާމިޔާބުކުރުމަށްފަހު އަލުން ޓީމާ ގުޅި, ކާމިޔާބުކުރި ފުރަތަމަ ގޯލާއެކު ލީގުގައި ޕީއެސްޖީ މޮޅުވެއްޖެއެވެ.

އަމިއްލަ ދަނޑުގައި ޕީއެސްޖީ މޮޅުވީ އެންގާސްއާ ވާދަކޮށް 2-0 ނެވެ. މެޗުގައި ޕީއެސްޖީގެ ފުރަތަމަ ލަނޑު ފުރަތަަމަ ހާފްގައި ޖެހީ ފަސްވަނަ މިނެޓުގައި ހޫގޯ އެކިޓިކޭއެވެ. މެސީ ލަނޑުޖެހީ 72 ވަނަ މިނެޓުގައެވެ. ޕީއެސްޖީގެ ދެ ލަނޑުވެސް ޖެހީ މުކިއޭލޭ ތަނަވަސްކޮށްދިން ފުރުޞަތުންނެވެ. މެޗުގައި ބްރެޒިލްގެ ނޭމާ ޖެހި ލަނޑު ބަލައިނުގަތީ އޮފްސައިޑުވުމުންނެވެ. ޕީއެސްޖީ ލީގު ތާވަލުގެ އެއްވަނާގައި އޮތީ ހަ ޕޮއިންޓުގެ ލީޑަކާއެކުއެވެ. އެއީ 18 މެޗުން 47 ޕޮއިންޓާއެކުއެވެ.

ދެވަނާގައި އޮތް ލެންސް ވަނީ ސްޓްރޯސްބާގްއާ 2-2 ން އެއްވަރުވެ މުހިއްމު ދެ ޕޮއިންޓު ގެއްލުވާލާފައެވެ.