އެއްބަސްވުމުގެ މުއްދަތު ހަމަވުމުން ޔުވެންޓަސް އިން އެލްކްސް ސަންޑްރޯ ދޫކޮށްލަނީ

އިޓާލިއަން ލީގުގެ ޔުވެންޓަސް އަށް ކުޅެމުން އަންނަ ބްރެޒިލްގެ ޑިފެންޑަރު އެލެކްސް ސަންޑްރޯ ދޫކޮށްލަން އެ ކުލަބުން ވިސްނަމުން އަންނަ ކަމަށް ރިޕޯޓުތައް ބުނެފި އެވެ.

އުމުރުން 31 އަހަރުގެ ކުޅުންތެރިޔާ ޔުވެންޓަސް އަށް ބަދަލުވީ 2015 ވަނަ އަހަރު އެވެ. އެ ކުލަބާއެކު އޭނާ ހަދާފައިވާ އެއްބަސްވުމުގެ މުއްދަތު ހަމަވާނީ މި އަހަރުގެ ޖޫން މަހު އެވެ. އެއްބަސްވުމުގެ މުއްދަތު ހަމަވުމުން ޔުވެންޓަސް އިން ބޭނުންވަނީ އޭނާ ދޫކޮށްލަން ކަމަށް ރިޕޯޓުތައް ބުނެ އެވެ. އެއްބަސްވުމުގެ މުއްދަތު ހަމަވާން ދާއިރު، މިހާތަނަށް އެއްބަސްވުން އައު ކުރުމަށް އެލެކްސް ސަންޑްރޯ އާއި ޔުވެންޓަސްއާ ދެމެދު އެއްވެސް މަޝްވަރާއެއް ކުރިއަށްނުދާ ކަމަށް ރިޕޯޓުތަކުގައި ވެއެވެ. އެލެކްސް ސަންޑްރޯ ދޫކޮށްލުމުގެ ވިސްނުން ޔުވެންޓަސް އިން ގެންގުޅޭއިރު، އެއްބަސްވުމުގެ މުއްދަތު އިތުރު އެއް އަހަރަށް އިތުރުކުމުގެ ފުރުސަތު އެ ކުލަބަށް އެބައޮތެވެ. ނަމަވެސް ޔުވެންޓަސް އިން ބޭނުންވަނީ އޭނާ ދޫކޮށްލުމަށްފަހު އެ މަގާމަށް އެހެން ކުޅުންތެރިޔަކު ހޯދަން ކަމަށް ރިޕޯޓުތަކުގައިވެ އެވެ.

އެލެކްސް ސަންޑްރޯ ވަނީ މިހާތަނަށް ޔުވެންޓަސް އަށް 289 މެޗު ކުޅެދީފަ އެވެ. އޭނާ ވަނީ އެ ޓީމަށް 15 ލަނޑު ޖަހައިދީ، އެ ޓީމާއެކު 10 ތައްޓެއް ކާމިޔާބުކޮށްފަ އެވެ.