ފާއިތުވެދިޔަ ފަސް ވަރަކަށް އަހަރުގެ ތެރޭގައި ނުފެންނަ ވަރުގެ ވަރުގަދަ ސްކޮޑެއް މިހިނގާ 2017 ވަނަ އަހަރު ވިކްޓްރީން ފެނިގެންދާނެ ކަމުގެ ޔަގީންކަން އެބައޮތް ކަމަށް އެ ކްލަބުގެ ޗެއާޕާސަން ކަމަށް އިންތިހާބުވެ ވަޑައިގެންނެވި އިބްރާހިމް ނަޒީމް ވިދާޅުވެއްޖެ އެވެ.

ވިކްޓްރީން ވަނީ މިދިޔަ އަހަރު ޓީމުގައި ހިމެނުނު ބައެއް ކުޅުންތެރިންގެ ކޮންޓްރެކްޓް އާކޮށްފަ އެވެ. އެގޮތުން ރާއްޖޭގެ ބައެއް ކްލަބުތަކަށް ކުޅުނު ދިވެހި ކުޅުންތެރިންނާއި ބިދޭސީ ކުޅުންތެރިންގެ ސޮއި ހޯދުމަށް ވެސް އެކްލަބުން ދަނީ މަސައްކަތް ކުރަމުންނެވެ.

ނަޒީމް ވިދާޅުވީ ޓީމުން ފެންނާނެ ބިދޭސީ ކުޅުންތެރިންނަކީ ރާއްޖޭގައި ރަނގަޅަށް ޕާފޯމް ކޮށް އެކުޅުންތެރިންގެ ފެންވަރު އެނގޭ ކުޅުންތެރިން ކަމަށެވެ. އަދި ސަޕޯޓަރުން ހިތްހަމަޖެހޭވަރުގެ ސްކޮޑެއް އެކުލަވާލައި ކުރިއަށް އޮތް ހަފުތާއެއްގެ ތެރޭގައި ކުޅުންތެރިން ތައާރަފްކޮށް، ޓީމާ ދުރުގައިމާޔުސްވެފައި ތިބި ސަޕޯޓަރުން އަލުން ޓީމާ ގުޅުވާލައި ދޭނެ ކަމަށެވެ.

ނަޒީމް ވިދާޅުވި ގޮތުގައި މީގެ ކުރިން ދެ ފަހަރެއްގެ މަތިން ކްލަބުގެ އިސްމަގާމުތަކަށް އެކި ބޭބޭފުޅުން އިންތިހާބު، އެއިން އެއްވެސް ދައުރެއްގައި ރަނގަޅު ނަތީޖާއެއް ނެރެވިފައެއް ނުވެއެވެ. އޭނާ ވިދާޅުވީ ވިކްޓްރީ އަކީ މާޒީގައި ބޮޑެތި ކާމިޔާބީތަކެއް ހޯދާފައިވާ ކްލަބަކަށްވާ އިރު، އެއްވެސް އަޅާލުމެއް ނެތި ބައެއް ފަރާތްތަކުން ވިކްޓްރީގެ ހިންގުމާ ހަވާލުވެ އެދެވޭ ނަތީޖާތަކެއް ނެރެދެވިފައި ނެތުމުން ކްލަބު ވަނީ ނިކަމެތިވެފައި ކަމަށެވެ. 

ނަޒީމް ވިދާޅުވި ގޮތުގައި މީގެ ކުރިން ދެ ފަހަރެއްގެ މަތިން ކްލަބުގެ އިސްމަގާމުތަކަށް އެކި ބޭބޭފުޅުން އިންތިހާބު، އެއިން އެއްވެސް ދައުރެއްގައި ރަނގަޅު ނަތީޖާއެއް ނެރެވިފައެއް ނުވެއެވެ. އޭނާ ވިދާޅުވީ ވިކްޓްރީ އަކީ މާޒީގައި ބޮޑެތި ކާމިޔާބީތަކެއް ހޯދާފައިވާ ކްލަބަކަށްވާ އިރު، އެއްވެސް އަޅާލުމެއް ނެތި ބައެއް ފަރާތްތަކުން ވިކްޓްރީގެ ހިންގުމާ ހަވާލުވެ އެދެވޭ ނަތީޖާތަކެއް ނެރެދެވިފައި ނެތުމުން ކްލަބު ވަނީ ނިކަމެތިވެފައި ކަމަށެވެ. 

ނަޒީމް ވިދާޅުވީ ސްކޮޑް ވަރުގަދަ ކުރުމުގެ އިތުރަށް ދެމެހެއްޓެނިވި ގޮތެއްގައި އެކުލަބު ހިންގުމަށް ކުލަބުގެ މާލީ ފުއްދުންތެރިކަން އިތުރު ކުރުމަށް ސަމާލުކަން ދެއްވާނެ ކަމަށެވެ.