ކޮލަމްބިއާގައި ބޯޓު ބަންޑުން ޖަހާލުމުގެ ހާދިސާއެއްގައި މަދުވެގެން ހަ މީހުން މަރުވެއްޖެ
ބަންޑުން ޖަހާލި ބޯޓުގައި 170 ވަރަކަށް މީހުން ތިބި
ބޯޓު ފެތުނު ސަރަހައްދު
ކޮލަމްބިއާގެ އުތުރު-ހުޅަނގު ގައި އޮންނަ ކޯރަކަށް ބޯޓު ބަންޑުން ޖަހާލުމުގެ ހާދިސާއެއްގައި މަދުވެގެން ހަ މީހުން މަރުވެއްޖެއެވެ.
ހަތަރު ޑެކް ހުންނަ "އަލްމިރެންޓޭ" ނަމަކަށް ކިޔާ ބޯޓު ބަަންޑުން ޖަހާލީ މަޝްހޫރު ރިޒޯޓު ޓައުނެއް ކަމަށްވާ ގުއަޓަޕޭ އަށެވެ. މި ހަދިސާގައި 133 މީހުން ސަލާމަތްކުރެވިފައިވާ ކަަމަށް ރިޕޯޓުތައް ބުނާއިރު 16 މީހަކު ގެއްލިފައިވާ ކަަމަށް ރިޕޯޓުތައް ބުނެއެވެ.
ފަތުރުވެރިން ގޮވައިގެން ދިޔަ ބޯޓުގައި 170 ވަަރަކަށް މީހުން ތިބިއިރު ބޯޓު ބަންޑުން ޖަހާލައި އަޑިއަށް ދާން ފަސް މިނެޓު ވެސް ނުނަގާ ކަމަށް ރިޕޯޓުތައް ބުނެއެވެ.
ބަންޑުން ޖަހާލި ބޯޓުގެ ޕަސެންޖަރުން ސަލާމަތް ކުރުމަށް ފަތުރުވެރިން ގޮވައިގެން ދިޔަ ބޯޓުތައް އައިކަމަށް ރިޕޯޓުތައް ބުނާއިރު، 20 އަށް ވުރެ ގިނަ ޕަސެންޖަރުން ވަނީ ހޮސްޕިޓަލަށް ގެންދެވިފައެވެ. މީހުން ސަލާމަތް ކުރުމަށް ފަހުން އަސްކަރިއްޔާގެ ހެލިކޮޕްޓަރުތައް ބައިވެރިވިއެވެ.
ހާދިސާ ހިނގަން ދިމާވި ސީދާ ސަބަބެއް އަދި ނޭނގެއެވެ. އެހެން ނަމަވެސް ބައެއް މީޑީއާ ރިޕޯޓުތައް ބުނެފައި ވަނީ ބޯޓުގެ ފާހާނާއެއްގެ ތެރޭގައި ގޮވުމެއް ގޮވި ކަމަށާއި އަދި އެއަށްފަހު ބޯޓުން ކަރަންޓު ކަނޑައިގެން ދިޔަ ކަަމަށެވެ.
