"ކުދިންގެ ރައްކާތެރިކަމަށް ރަށު ސައްލާ" ޕްރޮގްރާމް އޮމަދޫގައި ކުރިއަށްގެންގޮސްފި
މި ޕްރޮގްރާމް ކުރިއަށްގެންދިޔައީ މިމަހުގެ 4ން 6ށް
އޮމަދޫގައި ކުރިއަށްގެންދިޔަ ރަށު ސައްލާ ޕްރޮގްރާމް
"ކުދިންގެ ރައްކާތެރިކަމަށް ރަށު ސައްލާ" ޕްރޮގްރާމް އދ. އޮމަދޫގައި ކުރިއަށްގެންގޮސްފިއެވެ.
މިއީ ޖެންޑަރ މިނިސްޓްރީގެ ދަށުން ހިންގާ ޗައިލްޑް އެންޑް ފެމިލީ ޕްރޮޓެކްޝަން ސަރވިސްއާއި އޮމަދޫ ކައުންސިލް ގުޅިގެން ކުރިއަށްގެންގޮސްފައިވާ ޕްރޮގްރާމެކެވެ. މި ޕްރޮގްރާމް ކުރިއަށްގެންގޮސްފައިވަނީ މިމަހުގެ 4ން 6އަށެވެ.
މި ޕްރޮގްރާމުގައި އޮޕަދޫ ސްކޫލުގެ ދަރިވަރުން ބައިވެރިވެފައިވާއިރު، މި ޕްރޮގްރާމުގެ ތެރެއިން, އެކުދިންނަށް ދިމާވާ މައްސަލަތައް ދެނެގަނެވިފައިވެއެވެ. އަދި މުޖުތަމައުގައި ހުރި ރަނގަޅު ކަންކަން ދެނެގަނެފައިވެއެވެ.
މި ޕްރޮގްރާމުގައި ދަރިވަރުންގެ ފަރާތުން ފާހަގަވި ކަންކަމުގެ މައްޗަަށް ބިނާކޮށް، އެކަންކަން ހައްލުކުރެވޭނެ ގޮތުގެ އެކްޝަން ޕްލޭނެއް ތައްޔާރުކޮށްފައިވެއެވެ. އަދި އެއަށްފަހު ދަރިވަރުންނާއެކު ކޮންސަލްޓޭޝަން ސެޝަންތަކެއް ކުރިއަށްގެންގޮސްފައިވާކަމަށާއި، އަދި އެކްޝަން ޕްލޭނުގައި ހުރި ކަންކަން ތަންފީޒުކުރުމަށް އޮމަދޫ ކައުންސިލާ ހަވާލުކޮށްފައިވާކަމަށް އެ އިދާރާއިން ބުނެފައިވެއެވެ.
ސީއެފްޕީއެސްއިން ބުނީ މިފަދަ ޕްލެޓްފޯމެއް މެދުވެރިކޮށް ދަރިވަރުންނަށް މަޝްވަރާގެ މަރުހަލާގައާއި، ކަންކަން ނިންމުމުގެ މަރުހަލާގައި ބައިވެރިވުމުގެ ފުރުސަތު ދެވިފައިވާކަމަށެވެ.
