މި މަހުގެ 20 ވަނަ ދުވަހު ފަށާ ފީފާ ވޯލްޑް ކަޕްގައި ވާދަކުރާ އާޖެންޓީނާގެ ސްކޮޑު އިއުލާންކޮށްފިއެވެ.

ދެ އަހަރު މުބާރާތް ކާމިޔާބުކޮށްފައިވާ އާޖެންޓީނާއިން އިއުލާންކުރި 26 ކުޅުންތެރިންގެ ތެރޭގައި، ރޯމާއަށް ކުޅެމުން އަންނަ ޕައުލޯ ޑިބާލާއާއި ޔުވެންޓަސްގެ އެންހެލް ޑިމާރިއާވެސް ވަނީ ހިމަނާފައެވެ. ސީޒަން ފަށައިގެން ވަކި ހިސާބަކުން މި ދެ ކުޅުންތެރިންނަށް ވަނީ އަނިޔާވެފައެވެ.

މިއަހަރުގެ މުބާރާތުގައި އާޖެންޓީނާއަކީ ފޭވަރިޓުންގެ ތެރޭގައި ހިމެނޭ ޓީމެކެވެ. މިފަހަކަށް އައިސް އެ ޓީމުން ނެރެމުން އަންނަ ރަނގަޅު ނަތީޖާގެ ސަބަބުން މުބާރާތުގައި އެންމެ ނުރައްކާތެރި އެއް ޓީމަކަށް އާޖެންޓީނާ ވާނެކަމަށް ބެލެވެއެވެ. މުބާރަތަށް ކުރިމަތިލާއިރު އާޖެންޓީނާ ވަނީ އެންމެ ފަހުން ކުޅުނު 35 މެޗުންވެސް ބަލިނުވެ ނިންމާލާފައެވެ. މިއަހަރުގެ މުބާރާތުގައިވެސް އާޖެންޓީނާގެ ކެޕްޓަންއަކީ ލިއޮނެލް މެސީއެވެ. މި ސީޒަންގައި މެސީ ވަނީ މޮޅު ކުޅުމެއްވެސް ދައްކާފައެވެ.

އާޖެންޓީނާ ޓީމުގައި ހިމެނޭ ގޯލް ކީޕަރުން:

* އެމިލިއާނޯ މާޓިނޭޒް، ފްރަންކޯ އަރްމާނީ އަދި ޖެރޯނިމޯ ރޫލީ

އާޖެންޓީނާ ޓީމުގައި ހިމެނޭ ޑިފެންޑަރުން:

ޖެރްމާން ޕެޒެއްލާ، ނަހުއެލް މޮލީނާ، ގޮންޒާލޯ މޮންޓިއެލް، ނިކޮލަސް އޮޓަމެންޑީ، ކްރިސްޓިއަން ރޮމޭރޯ، ލިސަންދުރޯ މާޓިނޭޒް، ހުއާން ފޮއިތު، ނިކޮލަސް ޓަގްލިއާފިކޯ އަދި މާކޮސް އަކުންޔާ 

އާޖެންޓީނާ ޓީމުގައި ހިމެނޭ މިޑްފީލްޑަރުން:

ރޮޑްރިގޯ ޑެ ޕޯލް، ގީޑޯ ރޮޑްރިގޭޒް، ލިއަންދްރޯ ޕަރޭޑެސް، އެންޒޯ ފެނާންޑޭޒް، ޕާޕޫ ގޯމޭޒް، އެލެސިސް މެކަލިސްޓާ އަދި އެޒެކިއެލް ޕަލާސިއޯސް

އާޖެންޓީނާ ޓީމުގައި ހިމެނޭ ފޯވާޑުން:

ލިއޮނަލް މެސީ (ކެޕްޓަން)، އެންހެލް ޑިމާރިއާ، ލައުޓާރޯ މާޓިނޭޒް، ޕައުލޯ ޑިބާލާ، ނިކޮލަސް ގޮންޒާލޭޒް، ޔަކީން ކޮރޭއާ އަދި ހޫލިއަން އަލްވަރޭޒް

އާޖެންޓީނާއަށް މިއަހަރުގެ މުބާރާތުގައި އިރުޝާދު ދޭނީ އެ ޓީމާއެކު މިދިޔަ އަހަރުގެ ކޮޕާ އެމެރިކާ މުބާރާތް ކާމިޔާބުކުރި ލިއޮނެލް ސްކަލޯނީއެވެ. މުބާރާތުގައި އާޖެންޓީނާ އޮތީ ސައޫދީ އަރަބިއްޔާ، މެކްސިކޯ އަދި ޕޮލެންޑާ އެއް ގްރޫޕެއްގައެވެ.