އެތުލެޓިކޯ މެޑްރިޑް ބަލިކޮށް ޕޯޓޯ ދެ ވަނަ ބުރަށް

ޔުއެފާ ޗެމްޕިއަންސް ލީގު ގްރޫޕް ސްޓޭޖު ފަހު މެޗުގައި އެތުލެޓިކޯ މެޑްރިޑު ބަލިކޮށް ގްރޫޕް ބީގެ އެއް ވަނައިގައި ޕޯޓޯ ދެ ވަނަ ބުރަށް ދަތުރުކޮށްފިއެވެ.

އަންގާރަ ދުވަހުގެ ރޭ ޕޯޓޯގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބުކުރީ 1-2 އިންނެވެ. މެޗުން ބަލިވުމާ އެކު އެތުލެޓިކޯ އަށް ވަނީ ޔޫރޮޕާ ލީގުގެ ޖާގަ ވެސް ގެއްލިފައެވެ.

މެޗު ފަށައިގެން ފަސް ވަނަ މިނެޓުގައި ޕޯޓޯ އަށް ލީޑު ނަގައިދިނީ މެހްދީ ތަރޭމީއެވެ. އޭނާ އެ ލަނޑު ޖެހީ އެވާނިލްސަން ތަނަވަސްކޮށް ދިން ފުރުސަތަކުންނެވެ. އޭގެ ފަހުން މެޗުގެ 24 ވަނަ މިނެޓުގައި ޕޯޓޯ އަށް ލީޑު ފުޅާކޮށްދިިނީ ގަލެނޯގެ އެހީތެރިކަމާ އެކު ސްޓެފަން އުއެސްޓަކީއޯއެވެ. އެތުލެޓިކޯގެ ހަމައެކަނި ލަނޑަކީ ޕޯޓޯގެ ކުޅުންތެރިޔެއްގެ އަތުން ބައިކޮޅަށް ވަތް ލަނޑެކެވެ. އެއީ މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ޕޯޓޯގެ އީވާން މަރްކާނޯ އަތުން ބައިކޮޅަށް ވަތް ލަނޑެކެވެ.

މެޗުން މޮޅުވެ ޕޯޓޯ ވަނީ ކުޅުނު ހަ މެޗުން 12 ޕޮއިބްޓު ހޯދައިގެން ދެ ވަނަ ބުރަށް ދަތުރުކޮށްފައެވެ. މި ގްރޫޕްގެ ދެ ވަނަ ލިބެނީ 11 ޕޮއިންޓާ އެކު ކުލަން ބްރޫޖަށެވެ. ތިން ވަނައިގައި އޮތް ބަޔާ ލެވަކޫސަން އާއި ފުލުގައި އޮތް އެތުލެޓިކޯ އަށް ލިބެނީ ފަސް ޕޮއިންޓެވެ. ނަމަވެސް ހެޑް ޓު ހެޑް އުސޫލުން ކުރި ހޯދާފައިވަނީ ލެވަކޫސަންއެވެ.