ބިލްބާއޯ ކައިރިން އެތުލެޓިކޯ މޮޅުވީ ފަހު ވަގުތު
މެޗުން އެތުލެޓިކޯ މޮޅުވީ ބަދަލު ކުޅުންތެރިޔެއްގެ ގޮތުގައި ކުޅެން ނިކުތް އެންހެލް ކޮރެއާ ޖެހި ލަނޑުންނެވެ.
އެތުލެޓިކޯ އިން ކުޅުނު މެޗުގެ ތެރެއިން
ސްޕެނިޝް ލީގުގަައި އެތުލެޓިކް ބިލްބާއޯއާ ދެކޮޅަށް ކުޅުނު މެޗުން ފަހު ވަގުތު އެތުލެޓިކޯ މެޑްރިޑް މޮޅުވެއްޖެ އެވެ.
ހޮނިހިރު ދުވަހުގެ ރޭ ބިލްބާއޯގެ އަމިއްލަ ދަނޑުގައި ކުޅުނު މެޗުން އެތުލެޓިކޯ މޮޅުވީ 1-0 އިންނެވެ.
މެޗުގައި އެތުލެޓިކޯ އިން ވަނީ ލަނޑު ޖަހާނެ ފުރުސަތުތަކެއް ތަނަވަސްކޮށްފަ އެވެ. އެތުލެޓިކޯ އަށް ކުޅެމުން އަންނަ ފްރާންސްގެ އެންޓޮއިން ގްރީޒްމަން އަށް ވަނީ އެ ޓީމަށް ލީޑު ނަގައިދޭން ފުރުސަތު ލިބިފަ އެވެ،. ފުރަތަމަ ހާފު ނިމުމުގެ ކުރިން އާޖެންޓީނާގެ ހޫލިއަން އަލްވަރޭޒް އަށް ވެސް ވަނީ ލަނޑު ޖަހަން ފުރުސަތު ލިބިފަ އެވެ.
މެޗުން އެތުލެޓިކޯ މޮޅުވީ، މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ލަނޑު ޖަހައިގެންނެވެ. މެޗުން އެތުލެޓިކޯ މޮޅުވީ ބަދަލު ކުޅުންތެރިޔެއްގެ ގޮތުގައި ކުޅެން ނިކުތް އެންހެލް ކޮރެއާ ޖެހި ލަނޑުންނެވެ. އޭނާ އެ ލަނޑު ޖަހަން ފުރުސަތު ތަނަވަސްކޮށްދިނީ އެލެކްސެންޑާ ސޯލޮތު އެވެ.
ލީގުގައި މިހާތަނަށް އެތުލެޓިކޯ އިން ހަތަރު މެޗު ކުޅެފައިވާއިރު، ދެ މެޗުން އެ ޓީމު ވަނީ މޮޅުވެފަ އެވެ. އަނެއް ދެ މެޗު އެއްވަރުވެފައިވާއިރު، އަށް ޕޮއިންޓާ އެކު އެ ޓީމު އޮތީ ދެ ވަނައިގަ އެވެ.
