ޔުއެފާ ޗެމްޕިއަންސް ލީގުގައި އިންޓަ މިލާނުން ވިކްޓޯރިއާ ޕްލެޒެންއާ ދެކޮޅަށް ކުޅޭ މެޗު ބާސެލޯނާގެ ހުރިހާ ކުޅުންތެރިން ބަލާނެ ކަމަށް ޒަވީ ހެނާންޑޭޒް ބުނެފިއެވެ.

ބާސެލޯނާ އަށް ޗެމްޕިއަންސް ލީގުގައި ކުރިއަށް ދެެވެން އޮތީ ޕްލެޒެން އިން އިންޓަ ބަލިކޮށްގެންނެވެ. އެއަށްފަހު އެ ޓީމަށް ޖެހޭނީ ބަޔާން މިއުނިކް އަތުން މޮޅުވާންށެވެ. ބާސެލޯނާ އަށް އޮތީ އަމިއްލަ ބާރު ގެއްލިފައެވެ.

ބަޔާން މެޗުގެ ކުރިން ޒަވީ ބުނީ ބަޔާން މެޗުގެ ކުރިން ބާސެލޯނާގެ ހުރިހާ ކުޅުންތެރިން ޑްރެސިން ރޫމުގައި އިންޓަ އިން ޕްލެޒެންއާ ދެކޮޅަށް ކުޅޭ މެޗު ބަލާނެ ކަމަށެވެ. ޒަވީ ބުނީ ކޮންމެ ކަމެއްގައި ވެސް އެންމެ ފަހު ވަގުތާ ހަމައަށް އުންމީދު ކުރަންވާނެ ކަމަށެވެ. ޒަވީ ބުނީ ބާސެލޯނާ އޮތީ އުނދަގޫ ހާލަތެއްގައި ކަމަށާއި، އަމިއްލަ ބާރު ނެތް ކަމަށެވެ. ނަމަވެސް އުންމީދު ގެއްލުވާލައިގެން ނުވާނެ ކަމަށް ވެސް ބުންޏެވެ.

މީގެ އިތުރުން ޒަވީ ބުނީ ބަޔާން އަކީ ދުނިޔޭގައި އޮތް އެންމެ މޮޅު އެއް ކުލަބު ކަމަށެވެ. އޭނާ ބުނީ އެ ޓީމަކީ ޕިޒިކަލީ ވަރުގަދަ، ރަނގަޅު ކޯޗުން ތިބި މޮޅު ޓީމެއް ކަމަށެވެ. ޒަވީ ބުނީ މިލާން މެޗުގައި ވާ ގޮތަކުން ބާސެލޯނާ އަށް ބަޔާންގެ މެޗު ވަރަށް މުހިންމުވެގެންދާނެ ކަމަށެވެ. ޒަވީ ބުނީ ބޭނުންވަނީ މެޗުން މޮޅުވެ، ބާސެލޯނާ އަށް މަތީ ފަންތީގައި ވާދަކުރެވޭނެކަން ސާބިތުކޮށްދޭން ކަމަށެވެ. އޭނާ ބުނީ ބަޔާންގެ ދަނޑުގައި ރަނގަޅަށް ކުޅެ، ނަތީޖާއެއް ނުނެރެވުނީ ކަމަށެވެ. އޭގެ ބަދަލުގައި މިފަހަރު ބޭނުންވަނީ ރަނގަޅަށް ކުޅެ، ނަތީޖާ ވެސް ނެރެން ކަމަށް ޒަވީ ބުންޏެވެ.

އިންޓަ މިލާނުން ޕްލެޒެން އާ ދެކޮޅަށް ނިކުންނާނީ ބުދަ ދަވަހުގެ ރޭ ރާއްޖެ ގަޑިން 21:45 ގައެވެ. ބާސެލޯނާ އިން ބަޔާނާ ދެކޮޅަށް ނިކުންނާނީ ބުދަ ދުވަހުގެ ރޭ 12 ޖަހާއިރުއެވެ.