މިލަ އުތުރު ސްޕޯރޓްސް ފިއެސްޓާގެ ފުޓްސަލް ޗެމްޕިއަންކަން ފުނަދޫން ހޯދައިފި

މިލަ އުތުރު ސްޕޯރޓްސް ފިއެސްޓާގައި ހިމެނޭ ފުޓްސަލް މުބާރާތުގެ ޗެމްޕިއަންކަން ށ.ފުނަދޫން ހޯދައިފިއެވެ.

ރާއްޖޭގެ ފަތުރުވެރިކަމަށް 50 އަހަރު ފުރުން ފާހަގަކުރުމަށް ޓޫރިޒަމް 50 މިލަ އުތުރު ސްޕޯރޓްސް ފިއެސްޓާގެ ނަމުގައި ކުރިއަށްގެންދިޔަ މުބާރާތްތަކުގެ ތެރޭގައި ހިމެނޭ ފުޓްސަލް މުބާރާތުގެ ޗެމްޕިއަންކަން ފުނަދޫން ހޯދީ ފައިނަލްގައި ނަރުދޫ ބަލިކޮށްގެންނެވެ. ނަރުދޫގައި ކުޅުނު ފައިނަލް މެޗު ފުނަދޫން ކާމިޔާބުކުރީ 4-0 ނެވެ. ފައިނަލް މެޗުގެ މޮޅު ކުޅުންތެރިއަކީ ފުނަދޫގެ އިބްރާހީމް އައިސަމްއެވެ. މުބާރާތުގެ ޗެމްޕިއަން ޓީމަށް 35,000 ރުފިޔާ އަދި ރަނަރަޕް ޓީމަށް 15000 ރުފިޔާ ވަނީ ދީފައެވެ. ޗެމްޕިއަން ޓީމަށް ޓްރޮފީއާއި މެޑަލް އަދި ރަނަރަޕް ޓީމަށް މެޑަލް ހަވާލުކޮށްދެއްވީ ޓޫރިޒަމް މިނިސްޓަރު ޑރ.އަބުދުالله މައުސޫމްއެވެ.

މުބާރާތުގައި ށ.އަތޮޅުގެ 14 ރަށަކުން ޓީމްތައް ވާދަކުރިއެވެ.