ކ. މާލެ
|
17 އޭޕްރިލް 2017 | ހޯމަ 00:33
މިނިވަން ޗެމްޕިއަންޝިޕްގެ ޒޯން 2 ގެ ތަށި މިލަންދޫ އިން އުފުލާލަނީ
މިނިވަން ޗެމްޕިއަންޝިޕްގެ ޒޯން 2 ގެ ތަށި މިލަންދޫ އިން އުފުލާލަނީ
އެފްއޭއެމް
މިނިވަން ޗެމްޕިއަންޝިޕް
މިނިވަން ޗެމްޕިއަންޝިޕް: ޒޯން 2 ގެ ޗެމްޕިއަންކަން މާޅެންދޫ ބަލިކޮށް މިލަންދޫ ހޯދައިފި
 
މިލަންދޫ އަށް ޗެމްޕިއަންކަން ލިބުނީ 1-2 ގެ އެގްރިގޭޓް ނަތީޖައަކުން
 
ފުރަތަމަ ލެގުގެ މެޗު ފޮނަދޫގައި ކުޅެގެން މިލަންދޫ ވަނީ މޮޅުވެފައި
 
މެޗުގެ މޮޅު ކުޅުންތެރިޔަކަށް ހޮވުނީ މިލަންދޫގެ މުހައްމަދު އަރީފް

މިނިވަން ޗެމްޕިއަންޝިޕްގައި ޒޯން 2 ގެ ޗެމްޕިއަންކަން ނ. މާޅެންދޫ ބަލިކުރުމަށްފަހު، ށ. މިލަންދޫ އުފުލާލައިފިއެވެ.

އާދީއްތަ ދުވަހު ހަވީރު ކުޅުނު މި މެޗު 1-1 ގެ ނަތީޖާއިން އެއްވަރު ވިނަމަވެސް މިލަންދޫއަށް ޗެމްޕިއަންކަން ލިބުނީ ފުރަތަމަ ލެގުގެ މެޗު ފޮނަދޫގައި ކުޅެގެން 0-1 ގެ ނަތީޖާއިން އެޓީމު މޮޅުވުމުން، 1-2 ގެ ނަތީޖާއަކުންނެވެ.

ނ. މާޅެންދޫގައި ކުޅުނު މި މެޗު ފެށިގެން ފުރަތަމަ ލަނޑު ޖަހާ ލީޑު ނެގީ އެޓީމުންނެވެ. މި ލަނޑު އެޓީމަށް ކާމިޔާބުކޮށްދިނީ އަލީ ޖުނެނިދެވެ.

މި ލަނޑަށްފަހުވެސް ރަނގަޅަށް ކުޅެމުންދިޔައީ މާޅެންދޫއެވެ. އެހެންނަމަވެސް މާޅެންދޫ އިން ރަނގަޅަށް ކުޅެމުންދަނިކޮށް 36 ވަނަ މިނެޓުގައި މިލަންދޫ ޓީމުގެ އަބްދުﷲ ޝަފީއު ވަނީ އެޓީމަށް ނަތީޖާ ހަމަހަމަކޮށްދީފައެވެ.

މި ލަނޑުތަކާއެކު ފުރަތަމަ ހާފް ނިމުނީ 1-1 ގެ ނަތީޖާއިން ދެޓީމު އެއްވަރުވެގެންނެވެ.

އެހެންނަމަވެސް ދެވަނަ ހާފް ފެށިގެން މިލަންދޫ ޓީމުގެ ފަރާތުން މޮޅު ކުޅުމެއް ފެނިގެންދިޔައިރު، އެޓީމުން ވަނީ ވަރުގަދަ ޑިފެންސެއް ކޮށްފައެވެ.

މީގެއިތުރުން މާޅެންދޫއަށްވެސް ވަނީ ލީޑު ނެގުމަށް ރަނގަޅު ފުރުސަތުތަކެއް ލިބިފައެވެ. އެހެންނަމަވެސް މިލަންދޫގެ ޑިފެންސު ފޫއަޅުވާލަން އެޓީމު ވަނީ ނުކުޅެދިފައެވެ.

މެޗުގެ މޮޅު ކުޅުންތެރިޔަކަށް ހޮވުނީ މިލަންދޫގެ މުހައްމަދު އަރީފެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
0%
0%
0%
ކޮމެންޓް
17 އޭޕްރިލް 2017 | ހޯމަ 00:17
Mako
Ebunaa hen.
17 އޭޕްރިލް 2017 | ހޯމަ 00:17
Milandhoo
Habaru thiya othy mulhin goas kon.