ބުދަ 28 އޮކްޓޯބަރ 2020
11 ހެއި
1442 ރަބީއުލް އައްވަލް 11
ފަތިސް 04:36
އިރުއަރާ 05:49
މެންދުރު 11:54
އަސްރު 15:11
އިރުއޮއްސޭ 17:51
އިޝާ 19:04
ޔުއެފާ ޗެމްޕިއަންސް ލީގު

ރެޑްބުލްގެ ދެ ކްލަބަށް ޗެމްޕިއަންސް ލީގުގައި ކުޅެވޭ ގޮތަށް ޔުއެފާ އިން ހަމަޖައްސައިފި

  • ޗެމްޕިއަންސް ލީގުގައި ކުޅެން ހުއްދަ ދީފައިވަނީ އޮސްޓްރިއާ އަދި ޖަރުމަންގެ ކްލަބަކަށް
  • އެއް ކުންފުންޏެއްގެ ދެ ކްލަބަށް ޔުއެފާ މުބާރާތްތަކުގައި ނުކުޅެވޭނެ

ކ. މާލެ | 22 ޖޫން 2017 | ބުރާސްފަތި 11:24 | 5,822

ރެޑްބުލް އިން ގަނެފައިވާ ކްލަބެއް - ޓްވިޓަރ

މަޝްހޫރު އެނާޖިން ޑްރިންކް ރެޑްބުލް  އުފައްދާ ކުންފުނިން ގަނެފައިވާ ދެ ކްލަބަށް ޗެމްޕިއަންސް ލީގުގައި ކުޅެވޭ ގޮތަށް ޔުއެފާއިން ހަމަޖައްސައިފި އެވެ.

ޔުއެފާގެ ގަވައިދު ބުނާ ގޮތުން މުބާރާތެއްގައި އެއް ކުންފުންޏަކުން ހަރަދުކުރާ ކްލަބަކަށް ވާދައެއްނުކުރެވޭނެއެވެ. އެހެން ނަމަވެސް ކުރިއަށް އޮތް ސީޒަނުގެ ޗެމްޕިއަންސް ލީގަށް ކޮލިފައިވި ރެޑްބުލް އިން ގަނެފައިވާ ބުންޑަސްލީގާގެ ދެވަނަ ޓީމު އާރްބީ ލެއިޕްޒިގް އާއި އޮސްޓްރިއާގެ ޗެމްޕިއަން ސާލްޒްބާގް އަށް ވާދަކުރެވޭ ގޮތަށް ޔުއެފާ އިން ވަނީ ހަމަޖައްސާފައެވެ.

ޔުއެފާ އިން މިކަމަށް ގޮތެއް ނިންމަން ޖެހުނީ އެތައް ކްލަބެއްގެ އެދުމުގެ މަތިން ގަވައިދުގެ ތެރެއިން ގޮތެއް ނިންމުމަށް އެދުމުންނެވެ. އެހެންނަމަވެސް ބެލެވޭ ގޮތުގައި ޔުއެފާގެ މި ނިންމުން ކުރިޔަށް އޮތް 10 ދުވަހުގެ ތެރޭގައި ކޯޓް އޮފް އާބިޓްރޭޝަން ފޯ ސްޕޯޓްގައި އިސްތިއުނާފްކުރާނެ ކަމަށް ބެލެވެއެވެ.

ޔުއެފާގެ ގަވައިދު ބުނާ ގޮތުން އެއް ކުންފުންޏަކުން ގަނެފައިވާ ދެ ކްލަބެއް މުބާރާތަކަށް ކޮލިފައިވެއްޖެ ނަމަ ބޮޑަށް އިސްކަންދޭންޖެހޭނީ ޗެމްޕިއަން ކްލަބަށެވެ. އެގޮތުން މި ދަނޑިވަޅުގައި އެހެން ގޮތަކަށް ނިންމައިފި ނަމަ ޗެމްޕިއަންސް ލީގުން ފުރުސަތު ގެއްލޭނީ ޖަރުމަން ލީގުގެ ދެވަނަ ލެއިޕްޒިގް އަށެވެ.

 

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.