އާރްވީއެސްއޭ ވިމެންސް ހޭންޑް ބޯލް ޓޯނަމެންޓްގެ ޗެމްޕިއަންކަން 22 ސްޕޯޓްސް ކްލަބަށް

ހއ. އަތޮޅުގެ ހުރިހާ ރަށަކަށް ހުޅުވާލައިގެން ހޯރަފުށީގައި ކުރިއަށް ގެންދިޔަ އާރްވީއެސްއޭ ވިމެންސް ހޭންޑް ބޯލް ޓޯނަމެންޓްގެ ޗެމްޕިއަންކަން 22 ސްޕޯޓްސް ކްލަބް ކާމިޔާބުކޮށްފިއެވެ.

މުބާރާތުގެ ޗެމްޕިއަންކަން 22 ސްޕޯޓްސް ކްލަބް ކާމިޔާބުކުރީ ފައިނަލް މެޗުގައި 12-13ން ޓީމް މާރަންދޫ ބަލިކޮށްގެންނެވެ. ފައިނަލް މެޗުގެ މޮޅު ކުޅުންތެރިއަކީ 22 ސްޕޯޓްސް ކްލަބުގެ ގޯލް ކީޕަރު ނަސްމާ ނޫރައްދީންއެވެ.

މިއީ ހޯރަފުށީ އާރުވީ ސްޕޯޓްސް އެކަޑަމީން މި މުބާރާތް ބޭއްވި ދެވަނަ ފަހަރެވެ. ފުރަތަމަ މުބާރާތްވެސް ކާމިޔާބުކުރީ 22 ސްޕޯޓްސް ކްލަބެވެ.

ފަސް ޓީމު ވާދަކުރި މި މުބާރާތުގެ އެންމެ ގިނަ ލަނޑު ޖެހި ކުޅުންތެރިއަކީ 47 ލަނޑު ކާމިޔާބުކުރި، ހޯރަފުށީ އެއަރޕޯޓް ޓީމުގެ ފާތިމަތު ޖުނާއެވެ. މުބާރާތުގެ އެންމެ މޮޅު ހަތް ކުޅުންތެރިންގެ ތެރޭގައި ހިމެނެނީ ޖުނާގެ އިތުރުން ޓީމް މާރަންދޫގެ ފާތިމަތު ޝިފާނާ، އާމިނަތު ރިޝްތާ، 22 ސްޕޯޓްސް ކްލަބުގެ މަރިޔަމް މާޔާ، ހުސްނާ މުހައްމަދު، ރުނާ އިބްރާހީމް އަދި ނަސްމާ ނޫރައްދީނެވެ.