ހޯރަފުށީ ބޮޓްލިންގ ޕްލާންޓްގެ ޕްރޮޖެކްޓްގައި މަސައްކަތް ކުރަމުންދިޔަ 22 މުވައްޒަފުން ވަޒީފާއިން ވަކިކޮށްފި
4 ޑިސެމްބަރު 2023 | ހޯމަ 11:07އާދިއްތަ ދުވަހު މާލޭގެ ފެނަކަ ހެޑް އޮފީހުން ހުރިހާ މުވައްޒަފުންގެ ސީވީއާއި އައިޑީކާޑު ފޮނުވުމަށް އެންގި
ހޯރަފުށީ ބޮޓްލިންގ ޕްލާންޓް | ރާއްޖެއެމްވީ
ހއ.ހޯރަފުށީ ގައި ގާއިމް ކޮށްފައިވާ ބޮޓްލިންގ ޕްލާންޓް ޕްރޮޖެކްޓްގައި މަސައްކަތް ކުރަމުންދިޔަ ގިނަ އަދަދެއްގެ މުވައްޒަފުން ވަޒީފާއިން ވަކިކޮށްފިއެވެ.
ވަޒީފާއިން ވަކި ކުރި މުވައްޒަފެއް ރާއްޖެއެމްވީއަށް ކިޔާދިން ގޮތުގައި އެމުވައްޒަފުން މިހާރު ކޮންޓްރެކްޓްކޮށް މަސައްކަތް ކުރާތާ މިހާރު ދެ އަހަރު ވަނީ ވެފައެވެ. އަދި ކުއްލި ގޮތަކަށް އާދިއްތަ ދުވަހު މާލޭގެ ފެނަކަ ހެޑް އޮފީހުން ހުރިހާ މުވައްޒަފުންގެ ސީވީއާއި އައިޑީކާޑު ފޮނުވުމަށް އެންގި ކަމަށެވެ. އޭގެފަހުން މިވަގުތު ކުރާނެ މަސައްކަތެއް ނެތް ކަމަށް އަންގާފައިވާ ކަމަށާއި، 22 މުވައްޒަފުން ވަކިކޮށްފައިވާ ކަމަށެވެ.
މުވައްޒަފުން ވަޒީފާއިން ވަކިކުރި ސިޓީ ރާއްޖެއެމްވީއަށް ވަނީ ލިބިފައެވެ. އެސިޓީގައި ބުނެފައިވަނީ ބޮޓްލިންގ ޕްލާންޓް މަޝްރޫއު މިވަގުތަށް ކުރެވެންހުރި މަސައްކަތް ނިމިފައިވުމާއެކު، މިމަޝްރޫއަށް ވަގުތީ ގޮތުން ނެގިފައިވާ މުވައްޒަފުން އިތުރަށް ކުރާނެ މަސައްކަތެއް ނެތް ކަމަށް ޕްރޮޖެކްޓް ޑިޕާޓްމަންޓުން އަންގާފައިވާ ކަމަށެވެ.
އެމުވައްޒަފުން ވަޒީފާއިން ވަކިކޮށްފައިވާއިރު، ބޮޓްލިންގ މަޝްރޫއުގެ ބޮޑުބައެއްގެ މަސައްކަތް ވަނީ ނިމިފައެވެ. އަދި އެމުވައްޒަފުން އައީ އެރަށުގައި ގާއިމްކުރާ ފެނަކަ ބްރާންޗް އޮފީހުގެ މަސައްކަތްތައް ކުރަމުންނެވެ. މީގެ އިތުރުން އެ މުވައްޒަފުންނަކީ ހޯރަފުށީގެ ތަރައްގީއަށް ހިންގާ މަޝްރޫއުތަކުގައި އަމަލީ ގޮތުން ހަރަކާތްތެރިވާ މުވައްޒަފުން ކަމަށް މައުލޫމާތު ލިބެއެވެ.
