ފަހު މެޗު އެއްވަރުކޮށް 22 ސްޕޯޓްސް ކްލަބު އެއްވަނައަށް

އާރްވީއެސްއޭ ވިމެންސް ހޭންޑް ބޯލް ޓޯނަމެންޓްގެ ލީގު ބުރުގައި ކުޅުނު ފަހު މެޗު އެއްވަރުކޮށްގެން 22 ސްޕޯޓްސް ކްލަބް ތާވަލުގެ އެއްވަނައަށް ޖެހިލައިފިއެވެ.

ލީގު ބުރުގެ ފަހު މެޗުގައި 22 ސްޕޯޓްސް ކްލަބު ބައްދަލުކުރީ ފްރިގޭޓަރއާއެވެ. މި މެޗު ނިމުނީ 12-12ން އެއްވަރުވެގެންނެވެ. މެޗުގެ މޮޅު ކުޅުންތެރިއަކީ ފްރިގޭޓަރގެ ރަމްޒިއްޔާއެވެ.

އަންގާރަ ދުވަހު ލީގު ބުރުގެ އެހެން މެޗެއްވެސް ކުޅުނެވެ. އެމެޗުގައި އިމަގުގެ މައްޗަށް ހޯރަފުށީ އެއަރޕޯޓް ކުރިހޯދީ 18-9ންނެވެ. މެޗުގެ މޮޅު ކުޅުންތެރިއަކީ ހޯރަފުށީ އެއަރޕޯޓް ޓީމުގެ ޖުނާއެވެ.

ލީގު ބުރުގައި އެންމެ ރަނގަޅު ނަތީޖާ ހޯދާ ދެޓީމެއް ފައިނަލުގައި ވާދަކުރާގޮތަށް ކުޅޭ މި މުބާރާތުގެ ފައިނަލަުގައި ވާދަކުރާނީ 22 ސްޕޯޓްސް ކްލަބާއި ޓީމް މާރަންދޫއެވެ. ލީގު ބުރު ނިމުނުއިރު 10 ޕޮއިންޓާއެކު 22 ސްޕޯޓްސް ކްލަބު އެއްވަނައިގައި އޮތްއިރު, ދެވަނައިގައި އޮތް މާރަންދޫއަށް ލިބެނީ 9. ނުވަ ޕޮއިންޓެވެ. ހަ ޕޮއިންޓާއެކު ތިންވަނައިގައި އޮތީ ހޯރަފުށީ އެއަރޕޯޓް ޓީމެވެ. ހަތަރު ޕޮއިންޓާއެކު ފްރިގޭޓަރ ހަތަރުވަނައިގައި އޮތްއިރު, ޕޮއިންޓެއް ނުލިބި ތާވަލުގެ ފުލުގައި އޮތީ އިމަގުއެވެ.

ހޯރަފުށީ އާރުވީ ސްޕޯޓްސް އެކަޑަމީން އިންތިޒާމުކުރާ މި މުބާރާތުގެ ފައިނަލް މެޗު އޮންނާނީ މި މަހުގެ 13 ވަނަ ދުވަހުއެވެ.