ކ. މާލެ
|
23 ސެޕްޓެންބަރ 2022 | ހުކުރު 23:42
ކްރިސްޓިއާނޯ ރޮނާލްޑޯ
ކްރިސްޓިއާނޯ ރޮނާލްޑޯ
ޓްވިޓަރ
ރޮނާލްޑޯ ސަޕޯޓަރެއްގެ ފޯނު ހަލާކުކޮށްލުން
ސަޕޯޓަރެއްގެ ފޯނު ހަލާކުކޮށްލުމަށްފަހު މައާފަށް އެދުނަސް ރޮނާލްޑޯގެ މައްސަލަ ބަލާނެ
 
ރޮނާލްޑޯ އޭނާގެ ކުށް ގަބޫލުކޮށް މައާފަށް އެދިފައިވޭ

ޕްރިމިއަރ ލީގުގެ މެޗެއް ނިންމުމަށްފަހު އެވަޓަން ސަޕޯޓަރެއްގެ ފޯނު, ކްރިސްޓިއާނޯ ރޮނާލްޑޯ ހަލާކުކޮށްލި މައްސަލަ އިނގިރޭސި އެފްއޭއިން ބަލަން ފަށައިފިއެވެ.

ރޮނާލްޑޯ ވަނީ އިނގިރޭސި ޕްރިމިއަރ ލީގުގައި މިދިޔަ ސީޒަންގައި އެވަޓަން އާއި މެންޗެސްޓަރ ޔުނައިޓެޑް ބައްދަލުކުރި މެޗަށްފަހު އެވަޓަންގެ ސަޕޯޓަރެއްގެ ފޯނު ބިންމައްޗަށް އެއްލާލާ، ހަލާކު ކޮށްލާފައެވެ. އޭނާ އެގޮތަށް ކަންތައް ކޮށްފައިވަނީ މެޗުން ބަލިވުމުން ހުރި ނުތަނަވަސްކަމާއި ރުޅިވެރިކަމުގެ ސަބަބުންނެވެ. އެމެޗުން ޔުނައިޓެޑް ބަލިވީ 1-0 ންނެވެ. އެނަތީޖާއާއެކު ޔުނައިޓެޑަށް ވަނީ މި ސީޒަންގެ ޗެމްޕިއަންސް ލީގުގެ ޖާގަ ގެއްލިފައެވެ.

ނަމަވެސް ރޮނާލްޑޯ ވަނީ އޭނާއަށް ކުރެވުނު ކުށަށް އެންމެންގެ ކިބައިން މައާފަށް އެދިފައެވެ. މައާފަށް އެދި އިންސްޓަގްރާމްގައި ރޮނާލްޑޯ ކުރި ޕޯސްޓެއްގައި ބުނެފައި ވަނީ ދަތި ހާލަތްތަކުގައި ޖަޒްބާތުތައް ކޮންޓްރޯލް ކުރުމަކީ ވަރަށް އުނދަގޫ ކަމެއް ކަމަށެވެ. ނަމަވެސް އޭނާއަށް ކުރެވުނީ ގޯސް ކަމެއްކަން ފާހަގަކޮށް ރޮނާލްޑޯ ބުނީ އެފަދަ ހާލަތްތަކުގައި ކެތްތެރިވެ، ޒުވާނުންނާއި ފުޓްބޯޅައަށް ލޯބިކުރާ ފަރާތްތަކަށް ރިވެތި ނަމޫނާއެއް ދައްކަން ޖެހޭ ކަމަށެވެ.

އޭގެ ފަހުން އޭނާ ވަނީ އެކުއްޖާގެ އާއިލާގެ ކިބައިންވެސް މައާފަށް އެދިފައެވެ. އަދި ޔުނައިޓެޑްގެ ސްޓޭޑިއަމްގައި މެޗެއް ބެލުމުގެ ފުރުސަތުވެސް 11 އަހަރުގެ އެކުއްޖާއަށް ރޮނާލްޑޯ ދިނެވެ. އެހެންކަމުން މާސީސައިޑް ފުލުހުން ވަނީ އެމައްސަލަ އިތުރަށް ކުރިއަށް ނުގެންދިއުމަށް ނިންމާފައެވެ.

ނަމަވެސް އިނގިރޭސި އެފްއޭއިން ވަނީ އެމައްސަލަ އިތުރަށް ބާލާނެކަމަށް ބުނެ ބަޔާނެއްވެސް ނެރެފައެވެ. އިނގިރޭސި އެފްއޭއިން ބުނީ ކުޅުންތެރިންގެ ޑިސިޕްލިނަރީ ކޮންޑަކްޓާ ހިލާފުވާނަމަ މައްސަލަތައް ބެލޭނެ ކަމަށާއި އެގޮތުން ރޮނާލްޑޯގެ މައްސަލަ މިހާރު ބަލަން ފަށާފައިވާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
25%
0%
25%
0%
0%
50%
ކޮމެންޓް