ދުނިޔޭގައި އުފެދުނު އެންމެ މޮޅު, އެންމެ ކާމިޔާބު އެއް ޓެނިސް ކުޅުންތެރިޔާ ރޮޖަރ ފެޑެރާ ކުޅުން ހުއްޓާލުމަކީ ކުޅިވަރަށް ލިބޭ ދެރައެއްކަމަށް ވާދަވެރިޔާ ރަފެއަލް ނަދާލް ބުނެފިއެވެ.

ރޮޖަރ ފެޑެރާގެ އެންމެ ބޮޑު ވާދަވެރިޔާ ސްޕެއިންގެ ނަދާލް ބުނީ ފެޑެރާ ކުޅުން ހުއްޓާލަން ނިންމި ދުވަހަކީ ކުޅިވަރުގެ ހަޔާތުގައި ހިތާމަވެރި ދުވަހެއްކަމަށެވެ. ވާދަވެރި ކުޅުންތެރިޔާއަށް އިޝާރާތްކޮށް ނަދާލް ބުނީ "މިދުވަސް ނާންނާނެކަމަށް އުއްމީދުކުރާ ކަމަށެވެ." ފެޑެރަރ ކުޅުން ހުއްޓާލުމަކީ އަމިއްލަ ނަފްސަށްވެސް އަދި މުޅި ދުނިޔޭގެ ކުޅިވަރަށްވެސް ދެރައެއްކަމަށް ނަދާލް ބުންޏެވެ. ކޯޓް މަތީގައާއި, ކޯޓުން ބޭރުގައިވެސް ފެޑެރާ އާއެކު ހިއްސާކުރެވުނު ވަގުތުތަކަކީ އުފާވެރި, ފަޚުރުވެރި ވަގުތުތަކެއްގެ ގޮތުގައި ނަދާލް ވަނީ ފާހަގަކޮށްފައެވެ.

ރޮޖަރ ފެޑެރަ ވަނީ 20 ފަހަރު ގްރޭންޑް ސްލޭމް ކާމިޔާބުކޮށްފައެވެ, ފެޑެރާ އަށްވުރެ ގިނައިން މުބާރާތް ކާމިޔާބުކުރީ ނަދާލްއާއި, ސަރބިއާގެ ނޮވަކް ޖޮކޮވިޗްއެވެ. ނަދާލް 22 ގްރޭންޑް ސްލޭމް އަދި ޖޮކިވިޗް 21 ގްރޭންޑް ސްލޭމް ކާމިޔާބުކުރިއެވެ. ފެޑެރަރ ކުޅުން ހުއްޓާލިކަން އިއުލާންކުރީ ބުރާސްފަތި ދުވަހުއެވެ. އެކަމަކު އޭނާ ކުޅުން ހުއްޓާލާނީ މިމަހު އޮންނަ ލެވިސް ކަޕަށްފަހުއެވެ.

ނަދާލް ވަނީ 24 ފަހަރު ފެޑެރަރ ބަލިކޮށްފައެވެ. ދެ ކުޅުންތެރިން 40 މެޗުގައި ވާދަކުރިއެވެ. ދުނިޔޭގެ ޓެނިހުގެ ތާރީޚުގައިވެސް އެންމެ ވާދަވެރި ދެ ކުޅުންތެރިންނަކީ ފެޑެރާ އާއި ނަދާލްއެވެ. ކުޅުން ހުއްޓާލާއިރު ފެޑެރާއަށް 41 އަހަރެވެ.