ބުދަ 19 ޖޫން 2019
03 އަދަ
1440 ޝައްވާލް 15
ފަތިސް 04:36
އިރުއަރާ 05:55
މެންދުރު 12:11
އަސްރު 15:35
މަޣްރިބް 18:20
އިޝާ 19:39
ކުޅިވަރު - ވިކްޓްރީ ސްޕޯޓްސް ކްލަބު

ރާއްޖޭގައި ކުޅުނު ގިނަ ބިދެސީ ކުޅުންތެރިންތަކެއް ވިކްޓްރީއަށް

  • ޔޫވީގެ ކުރީގެ ސީރިޔާ ކީޕަރު ޔޫސުފް ވިކްޓްރީއަށް
  • އީގަލްސްގެ މިޑްފީލްޑަރު ސެޑިކް ވެސް ވިކްޓްރީ އަށް
  • ނިއުގެ ބަލްގޭރިއާ ޑިފެންޑަރު ވެލިޗްކޯ ވެސް ވިކްޓްރީ އަށް
  • ޔޫވީގެ އަންދްރޭ ވެސް ވިކްޓްރީ އަށް

ނާފިއު ރަޝީދު
NaphiuR

ކ. މާލެ 15 ޖެނުއަރީ 2017 | އާދީއްތަ 02:39 2,710

ވިކްޓްރީ ސްޕޯޓްސް ކްލަބަށް ގެނައި ބިދޭސީ ކުޅުންތެރިން - ހޭންޑްބޯލް އެސޯސިއޭޝަން

މިދިޔަ ސީޒަނުގައި ރާއްޖޭގައި ކުޅުނު ގިނަ ބިދެސީ ކުޅުންތެރިންތަކެއް ވިކްޓްރީއާ ގުޅިއްޖެ އެވެ.

އެގޮތުން ވިކްޓްރީއަށް ގުޅިފައި ވަނީ ޔުނައިޓެޑުގެ ވިކްޓަރީގެ ސީރިއާ ގޯލްކީޕަރު މުހައްމަދު އަލް ޔޫސުފާއި ފޯވާޑް ކެރިކް އަންދްރޭ އާއި ކްލަބް އީގަލްސް އަށް ކުޅުނު އެޓޭކިން މިޑްފީލްޑަރު މުހައްމަދު ސެޑިކާއި ނިއު ރޭޑިއަންޓުގެ ޑިފެންޑަރު ބަލްގޭރިއާގެ ވެލިޗްކޯ އެވެ.

ވިކްޓަރީގެ ޗެއާމަން އިބްރާހިމް ނަޒީމް ވިދާޅުވީ މި ހަތަރު ކުޅުންތެރިން ގެންނަން ނިންމީ މި ކުޅުންތެރިން މިދިޔަ ސީޒަނުގައި ފެންވަރު ސާބިތުކޮށްދީފައިވާތީ ކަމަށާއި ދިވެހި ފުޓްބޯޅައިގެ ތަޖުރިބާރާ އެކު ކުޅުންތެރިންގެ ބޭނުން ހިފޭނެ ކަމަށް ގަބޫލުކުރާތީ ކަމަށެވެ.

މީގެ ތެރެއިން މިދިޔަ ސީޒަނުގައި އެންމެ ރަނގަޅު ކުޅުމެއް ދެއްކީ ޔުނައިޓެޑް ވިކްޓަރީ އަށް ކުޅުނު ކީޕަރު ޔޫސުފާއި ފޯވާޑް ކެރިކެވެ. ފުރަތަމަ ޑިވިޝަނުގައި އަލަށް ވާދަކޮށް އުރީދޫ ދިވެހި ޕްރިމިއާ ލީގުގެ ހަތަރު ވަނަ މަގާމް ޔުނައިޓެޑް ވިކްޓަރީ ހޯދިއިރު މި ދެ ކުޅުންތެރިން މުހިއްމު ދައުރެއް އަދާކުރި އެވެ. ހާއްސަކޮށް ޔޫސުފަކީ ފަހަކަށް އައިސް ރާއްޖޭގައި ކުޅުނު އެންމެ މޮޅު އެއް ބިދޭސީ ގޯލްކީޕަރެވެ.

އީގަލްސް އިން ލީގުގެ ތިން މަގާމް ހޯދައި ޕްރެޒިޑެންޓްސް ކަޕް ކާމިޔާބުކުރިއިރު ސެޑިކް ވަނީ މުހިއްމު ގޯލްތަކެއް ޖަހައިދީ ޓީމު ލައްވައި ކުޅުވުމުގައި މުހިއްމު ރޯލެއް އަދާކޮށްފަ އެވެ. އޭނާ ޖުމްލަ ނުވަ ގޯލް ޖެހި އެވެ.

މިދިޔަ ސީޒަނުގައި ނިއު އާދައިގެކޮށް ފެނުނު ނަމަވެސް ވެލިޗްކޯ ވަނީ އެ ޓީމުގެ ޑިފެންސް ލައިނުގައި ރަނގަޅު ކުޅުމެއް ދައްކައިފަ އެވެ. ވަރަށް ބޮޑަށް ޓީމް ޕްލެޔަރެއްގެ ގޮތުގައި ފާހަގަކުރެވޭ ވެލިޗްކޯ ވަނީ ލީގުގެ ދެ ވަނަ ބުރުގައި ވިކްޓަރީ އަތުން ނިއު ފަހު ވަގުތު މޮޅުވި މެޗުގައި ގޯލް ވެސް ޖަހައިފަ އެވެ.

ވިކްޓަރީން ވަނީ އެ ކްލަބުގެ ރެކޯޑް އަގެއްގައި ތަޖުރިބާކާރު މިޑްފީލްޑަރު މުހައްމަދު އާރިފް (ބަކާ) އާއި އިސްމާއިލް އީސާ ވެސް ގެނެސްފަ އެވެ. މީގެ އިތުރުން ވެލެންސިއާގެ ހަސަން އަދުހަމް (ސަޑޭ) އާއި ނިއުގެ ވައިސް ކެޕްޓަން އަހުމަދު ނިޔާޒާއި ބީޖީ ސްޕޯޓްސްގެ ކެޕްޓަން މުހައްމަދު ސާގިބް ވެސް ވަނީ ވިކްޓަރީ އަށް ސޮއިކޮށްފަ އެވެ.

ވިކްޓަރީ އަށް ކުޅުނު ކުޅުންތެރިންގެ ތެރެއިން ކެޕްޓަން ރިލްވާން ވަހީދު (ރިލޭ) އާއި އެހެން މުހިއްމު ބައެއް ކުޅުންތެރިން ވަނީ ކޮންޓްރެކްޓް އާކޮށްފަ އެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް